Thiampite 2:9 - Syin Chin Bible

⁹ A vekpi in Topa tungah a kipia a hina thu limlakna in thiampipa in tawm la a, biaknatau tungah hal tu hi. Tua an biakpiakna ii ngimnam in Topa lungkimsak hi.

Thiampite 2:9 Iomraidhean Croise

Pusuana 29:18

Tuutal sa theampo biaknatau tungah an biakpiakna in hal in. Tua biakpiakna ii a ngimnam in keima hong lungkimsak hi.

Isaiah 53:10

Topa in, “Hi bang a thuak natu sia keima deina ahi hi; a thina sia mawna maisak natu in biakpiakna ahi hi. Tua ahiciang ama in a suan le a paalte mu tu hi; Ama a khansau in, ama tungtawnin ka tupna taangtung tu hi.

Thiampite 1:9

Ama in a sungkua le a nungpeangte nii, sil tu a vaipuak nei thiampipa in sa teng biaknatau ah hal tu hi. Tua an taw biakpiakna ii ngimnam sia in Topa lungkimsak hi.

Thiampite 2:16

Topa tungah an taw biakpiakna a hina, limlakna in antawm, sathau le ngimnamtui theampo zongh thiampipa in hal tu hi.

Thiampite 2:2

Aaron suan thiampite kungah paipui tu hi. Thiampipa in anvui khutdim khat, sathau le ngimnamtui theampo la in, Topa tungah kipia siat zo hi ci in a kiheak thei natu in biaknatau ah hal tu hi. Tua an biakpiakna ii ngimnam in Topa lungkimsak hi.

Thiampite 2:8

Hi an sia Topa tungah biakpiakna khat in paipui a, thiampipa tungah pia in, biaknatau ah paipui tu hi.

Thiampite 24:7

Anluum taangin Topa tungah a kipia an taw biakpiakna a kilakna in, tua a ngualte tungah ngimnamtui a thiang tawm koi in.

Thiampite 4:31

Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 5:12

Ama in thiampipa kungah paipui tu a, Topa tungah a vekpi a piak a lakna in thiampipa in khutdim khat la tu a, an taw biakpiakna in biaknatau tungah hal tu hi. Tua in mawphel biakpiakna ahi hi.

Thiampite 6:15

A vekpi in Topa tungah a kipia a hina thu heaksakna in ama in khutdim khat anvui le sathau, a tungah ngimnamtuite buakin, biaknatau ah hal tu hi. Hi biakpiakna ii ngim in Topa lungkimsak hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Mi Simna 5:26

Tuaciang biakpiakna khat hi a cina in thiampipa in anvui khutdim khat la tu a, biaknatau tungah hal tu hi. A khakbel in tua tui sia numei in nesak tu hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 15:16

Jesus Christ ii naseampa hong suasak hang ahi hi. Thaa Thiangtho ii a aap Gentile te, Pathian ii saan thamman biakpiakna ahi thei natu in Pathian tung panin hong pai Lungdamna Thupha hil in thiampi khat bangin ka diang hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

Philippi te 2:17

Note upna hangin Pathian a kipia sangaw biakpiakna tungah piakkhiatna khat bangin ka nuntakna chisan kibua tu ahile zong ka lungdam tu a, ka thinnopna no theampo kong hawmsawn tu hi.

Philippi te 4:18

Tua ahikom hi sungah nong piaksa uh theampo kong saanna lai om a — kicing vaal hi! Epaphroditus in na letsong uh theampo hong puak ahikom, tu in ka kitaangsap theampo nei zo khi hi. Tuate in Pathian mai ah ngimnamtui piak taw kibangin a saannophuai le dik a sak biakpiakna hi.