Thiampite 2:4 - Syin Chin Bible

⁴ A kipia anluum sia, anluum emna bealpeu sungah em ahile, tol saw ngawl hi nanak tu hi. Tuasia olive thau taw a kihel a anluum liante ahibuale olive thau taw a kizut a muhpaate hi thei tu hi.

Thiampite 2:4 Iomraidhean Croise

Psalm Late 22:14

Ka tha tual zo a, lei ah tui buak bangin bo vangeu hi. ka ngu kipeenate zongh kipealkhial siat zo a, ka lungtang sia khuainun tuitham bang hi.

Pusuana 12:8

Tua zanin a sa na em tu uh a, tol saw ngawl anluum le a kha meeteete taw na ne tu uh hi.

Pusuana 16:31

Israel mite in tua an sia manna ci uh hi. Tua manna sia ancii kaang no khat taw kibangin, khuaitui taw kivawt moh bangin lim hi.

Pusuana 29:2

Tol saw ngawl zungtaang vui phabel zangh in olive thau taw anluum pawlkhat, olive thau ngawl taw anluum pawlkhat le sathau taw a kizut moh pawlkhat vawt in.

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Ezekiel 46:20

tuaciang “Hi mun sia thiampite ii mawphel sangaw biakpiakna sate huan natu mun, ahibuale kitat natu biakpiakna le biakpiakna anvuite em natu mun ahi hi, tuabangin a thiangtho na khat pawpo mihingte ngim a piak thei natu mun suum puanung ah kipaipui ngawl tu hi,” ci hi.

Thiampite 1:11

Ama in biaknatau saksang ah tuasia ngo tu a, biaknatau pangh li ah thiampite in a chi the tu hi.

Thiampite 10:12

Moses in Aaron le a taanglai a tapa niite Eleazar le Ithamar tungah, “Topa tungah a kipia ante sung pan a taanglai antang biakpiakna teng la vun a, tol saw ngawl anluum vawtin, biaknatau pangh ah ne vun, banghang ziam cile biakpiakna sia thiangtho mama hi.

Thiampite 7:12

Mihing khat in Pathian tungah lungdamko biakpiakna in hi biakpiakna a vawt le biakpiakna ah a zak tu nganhing taw in, tol saw ngawl anluum piakhawm tu hi, tuate anvui le olive thau a kihel a saa anluumte ahibuale olive thau taw a kizut muhte, ahibuale olive thau taw kihel muhte ahi hi.

Mi Simna 6:15

Ama in tol saw ngawl anluum law khat : olive thau taw hel in a vawt, anluum saate, olive thau noai in a paa in a vawt anluumte le a kisamh antang le sapittui taw biakpiaknate zongh pia lai tu hi.

Matthew 26:38

tuaciangin amate munah, “Ka thinngim mama a thi dektak khi hi. Hi sungah na om vun a, mu heak vun,” ci hi.

John 12:27

“Tu in ka thinngim hi — tua hi a, bang son tu khi ziam? ‘Pa awng, hi hun sia kei tungah hong tungsak heak in,’ ci tu khi ziam? Ahihang kong paina thu in hi thuakna hun a nawk tu ma in hong pai ka hi hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 Peter 2:22

Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.