Thiampite 2:3 - Syin Chin Bible

³ A taanglai antang teng thiampite neisa hi a, Topa a kipia an sung pan a laak ahikom, thiangtho mama hi.

Thiampite 2:3 Iomraidhean Croise

Ezra 2:63

Jew ngamukmangpa in amate tungah Urim le Thummim a zangh thei thiampi khat a om mateng in Pathian a kipia ante ne thei ngawl tu nu hi ci hi.

Pusuana 29:37

Tuabangin ni sali sung ni simin vawt in. Tuasia ciang biaknatau sia thiangtho sitset tu a, tuasia a thutha mihing khat ahibuale na khat peuma biaknatau ii thianthona vaang in ngim ngasak tu hi.

Ezekiel 44:29

Antang taw biakpiakna, mawna le khialna kiphel natu biakpiakna le kitatna in a kipia biakpiakna theampo sia thiampite an hi tu a, Israel ngam ah keima atu in a kipia tuam theampo amate nga tu ahi hi.

Ezekiel 46:20

tuaciang “Hi mun sia thiampite ii mawphel sangaw biakpiakna sate huan natu mun, ahibuale kitat natu biakpiakna le biakpiakna anvuite em natu mun ahi hi, tuabangin a thiangtho na khat pawpo mihingte ngim a piak thei natu mun suum puanung ah kipaipui ngawl tu hi,” ci hi.

Thiampite 10:15

Topa tungah an biakpiakna in a thau a kipiak hun ciang amate in a pheisa le a awmsa paipui tu uh hi. Topa thupiak bangin hi sanamte nangma le na tate neisa hi tawntung tu hi,” ci hi.

Thiampite 14:13

Ama in mawphel biakpiak natu le meihal biakpiak natu in nganhing kingawna mun, a thiangthona munah tuuno ngo tu hi. Ama in hi bangin vawt tu hi, banghang ziam cile khialphel biakpiakna sia mawphel biakpiakna taw kibangin thiampipa ii neisa hi a, thiangtho mama hi.

Thiampite 2:10

A taanglai biakpiaknate thiampite neisa hi a; Topa a kipia an sung pan a kila ahikom, thiangtho mama hi.

Thiampite 21:22

Tuabang mihing khat in ka tungah hong kipia biakpiakna, a thiangtho biakpiakna le a thiangtho mama biakpiakna ante ne thei tu a,

Thiampite 5:13

Hi bangin thiampipa in tua pa mawmai natu biakpiakna neisak tu a, ama mawna kimaisak tu hi. Antang taw biakpiakna bangma in a taanglai anvui teng thiampipa aa ahi hi.

Thiampite 6:26

Sangaw biakpiakna a pia thiampipa in a piak nganhing sate, Topa ompuina Puanbuk suumsung mun thiangthona ah ne tu hi.

Thiampite 6:9

Aaron le a tapate ii meihal biakpiaknate a piak ciang a nuai a ngeinate a zui tu in thupia hi. Meihal biakpiakna sia zankhuateak biaknatau tungah kinusia tu a, tuaciang tua mei sia kuang tansak tu hi.

Thiampite 7:7

Mawphel biakpiakna le khialphel biakpiakna ah a kibangin zak tu ngeina khat om a, tua in a sa sia sangaw biakpiakna a pia thiampipa ii neisa hi, cina ahi hi.

Thiampite 7:9

Thik bealpeu sungah a ki em, ahibuale beal baannei le moh emna sungah a kivawt antang biakpiakna peuma, Pathian tungah a pia thiampipa ii neisa hi.

Mi Simna 18:9

Biaknatau ah a kihal ngawl, a thiangthobel biakpiaknate panin a nuai a teng nangma aa ahi hi: antang biakpiakna, mawphel biakpiakna le khialphel biakpiakna te ahi hi. Kei tungah hong kipia a thiangtho biakpiakna te a vekpi in nangma le na tapate aa ahi hi.

1 Samuel 2:28

Israel minam theampo ii sung pan keima thiampi tu, biaknatau ah a seam tu, ngimnamtui hal tu, ephod silh a, keima thu hong dongh tu in amate innkuan ka teal hi. Tuaciangin biaknatau tungah a kihal sangaw biakpiakna te tel khat sia amate tan thei natu thu ka pia hi.