Thiampite 2:16 - Syin Chin Bible

¹⁶ Topa tungah an taw biakpiakna a hina, limlakna in antawm, sathau le ngimnamtui theampo zongh thiampipa in hal tu hi.

Thiampite 2:16 Iomraidhean Croise

Psalm Late 141:2

Kong thungetna a namtui biakpiakna in hong saang ta'n a, ka khutte kong lapto sia nitak sangaw biakpiakna khat bangin hong saang ta'n.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Thiampite 1:9

Ama in a sungkua le a nungpeangte nii, sil tu a vaipuak nei thiampipa in sa teng biaknatau ah hal tu hi. Tua an taw biakpiakna ii ngimnam sia in Topa lungkimsak hi.

Thiampite 2:12

Anpal taw biakpiakna khat kum simin na paipui tu uh a, ahizong biaknatau ah na hal buatu uh hi.

Thiampite 2:14

Anpal taw Topa tungah biakpiakna na nei uh ciang, kan sa antang ahibuale ngoaivui sa an hi tu hi.

Thiampite 2:15

Tua tungah olive thau helin ngimnamtui na buak tu uh hi.

Thiampite 2:9

A vekpi in Topa tungah a kipia a hina thu limlakna in thiampipa in tawm la a, biaknatau tungah hal tu hi. Tua an biakpiakna ii ngimnam in Topa lungkimsak hi.

Hebrew te 5:7

Leitung ah a nuntak lai in Jesus in thina pan a ngum thei, Pathian tungah a nging auna le thitui luanna taw thungetna le dei ngetnate nei hi. Ama kiniam khiak a, Pathian ii deina a zuipa ahi hu in, Pathian in za hi.