Thiampite 2:10 - Syin Chin Bible

¹⁰ A taanglai biakpiaknate thiampite neisa hi a; Topa a kipia an sung pan a kila ahikom, thiangtho mama hi.

Thiampite 2:10 Iomraidhean Croise

2 Khangtaanghthu 31:14

Biakinnpi Nisuana sang Kongpi a cingpipa Levi mi Imnah ii tapa Kore sia Topa tungah a kipia letsongte a sang tu le tuate a hawmna ah a ukpa ahi hi.

Ezra 2:63

Jew ngamukmangpa in amate tungah Urim le Thummim a zangh thei thiampi khat a om mateng in Pathian a kipia ante ne thei ngawl tu nu hi ci hi.

Ezekiel 44:29

Antang taw biakpiakna, mawna le khialna kiphel natu biakpiakna le kitatna in a kipia biakpiakna theampo sia thiampite an hi tu a, Israel ngam ah keima atu in a kipia tuam theampo amate nga tu ahi hi.

Ezekiel 46:20

tuaciang “Hi mun sia thiampite ii mawphel sangaw biakpiakna sate huan natu mun, ahibuale kitat natu biakpiakna le biakpiakna anvuite em natu mun ahi hi, tuabangin a thiangtho na khat pawpo mihingte ngim a piak thei natu mun suum puanung ah kipaipui ngawl tu hi,” ci hi.

Thiampite 10:12

Moses in Aaron le a taanglai a tapa niite Eleazar le Ithamar tungah, “Topa tungah a kipia ante sung pan a taanglai antang biakpiakna teng la vun a, tol saw ngawl anluum vawtin, biaknatau pangh ah ne vun, banghang ziam cile biakpiakna sia thiangtho mama hi.

Thiampite 14:13

Ama in mawphel biakpiak natu le meihal biakpiak natu in nganhing kingawna mun, a thiangthona munah tuuno ngo tu hi. Ama in hi bangin vawt tu hi, banghang ziam cile khialphel biakpiakna sia mawphel biakpiakna taw kibangin thiampipa ii neisa hi a, thiangtho mama hi.

Thiampite 2:3

A taanglai antang teng thiampite neisa hi a, Topa a kipia an sung pan a laak ahikom, thiangtho mama hi.

Thiampite 21:22

Tuabang mihing khat in ka tungah hong kipia biakpiakna, a thiangtho biakpiakna le a thiangtho mama biakpiakna ante ne thei tu a,

Thiampite 5:13

Hi bangin thiampipa in tua pa mawmai natu biakpiakna neisak tu a, ama mawna kimaisak tu hi. Antang taw biakpiakna bangma in a taanglai anvui teng thiampipa aa ahi hi.

Thiampite 6:16

A taanglai teng thiampite in ne tu hi. Tuate tol kisaw ngawl anluum in ki em tu a, Topa ompuina Puanbuk suumsung a thiangtho munah kine tu hi. Tua sia an taw biakpiaknate a khensak bangin Topa ii thiampite a piaksa hi. Tua in mawphel biakpiakna le khialphel biakpiaknate bangin thiangtho mama hi.

Thiampite 6:23

Thiampipa ii a piak antang biakpiaknate tawm zongh kine thei ngawl hi; tua teng a kihal siat kul tu hi.

Thiampite 6:9

Aaron le a tapate ii meihal biakpiaknate a piak ciang a nuai a ngeinate a zui tu in thupia hi. Meihal biakpiakna sia zankhuateak biaknatau tungah kinusia tu a, tuaciang tua mei sia kuang tansak tu hi.

Thiampite 7:7

Mawphel biakpiakna le khialphel biakpiakna ah a kibangin zak tu ngeina khat om a, tua in a sa sia sangaw biakpiakna a pia thiampipa ii neisa hi, cina ahi hi.

Mi Simna 18:9

Biaknatau ah a kihal ngawl, a thiangthobel biakpiaknate panin a nuai a teng nangma aa ahi hi: antang biakpiakna, mawphel biakpiakna le khialphel biakpiakna te ahi hi. Kei tungah hong kipia a thiangtho biakpiakna te a vekpi in nangma le na tapate aa ahi hi.

1 Samuel 2:28

Israel minam theampo ii sung pan keima thiampi tu, biaknatau ah a seam tu, ngimnamtui hal tu, ephod silh a, keima thu hong dongh tu in amate innkuan ka teal hi. Tuaciangin biaknatau tungah a kihal sangaw biakpiakna te tel khat sia amate tan thei natu thu ka pia hi.