Thiampite 19:5 - Syin Chin Bible

⁵ “Kipawlkhop biakpiak natu in nganhing na ngaw uh ciang kong piaksa ngeinate zui vun, tua hile tua biakpiakna kong saang tu hi.

Thiampite 19:5 Iomraidhean Croise

2 Khangtaanghthu 31:2

Hezekiah kumpipa in thiampite le Levi te ii nasep kipawlna puuapha kik a, tuabangin mi simin vaipuak nei tek hi. Tuate in meihal biakpiaknate, kipawlkhop biakpiaknate, biakinn biakpiakna sungah kihelna, Biakinnpi sung mun tuatuam ah Pathian min pokna le Pathian tungah lungdamkonate ahi hi.

Pusuana 24:5

Tua zawkciang ama in tangvalte sawl a. amate in meihal biakpiaknate le khui pawl khat ngoin kipawlkhop sangaw biakpiakna te Topa tungah vawt uh hi.

Ezekiel 46:12

“Kumpipa in Topa tungah a thinzaw za biakpiakna sia pum bup meihal biakpiakna taw ahizong, kipawlkhop biakpiakna taw ahizong, a nei nop ciang suum sungnung paina nisuana sang kongpi kihon tu hi. Ama in Sabbath ni a biakpiakna a vawt bangin biakpiakna vawt tu a, kongpi sia ama pusua kik zawkciang kikhak tu hi,” ci hi.

Ezekiel 46:2

Kumpipa sia suum puanung pan kongpi vang tawnin sungtanna inndoi sungah pai tu a, thiampite in ama ii pum bup sangaw biakpiaknate le kipawlkhop biakpiakna a vawt hun sung teng kongpi khuamte hui ah ding tu hi. Tua mun kongpi ah ama in biakna a vawt kul tu a tua zawkciang pusuak kik tu hi. Kongpi sia nitak dong kikhak ngawl het tu hi.

Thiampite 1:3

A khuihonte sung pan khat taw meihal biakpiakna a pia ahile, a mealhem ngawl khuital khat hi tu hi. Topa ii a saan natu in Topa ompuina Puanbuk kongbiang ah pia tu hi.

Thiampite 19:4

“Kei hong taisan in milim bia heak vun; pathiante thik taw vawt tawm in bia heak vun. Keima in Topa na Pathian ka hi hi.

Thiampite 19:6

Sa na ngaw uh sia na ngaw ni ahibuale a zing ciang na neak nanak kul hi. Ni thum ni in a taanglai sa pawpo kihal tu hi,

Thiampite 22:19

A kisaang thei tu in, a mealhem ngawl a tal hi nanak tu hi.

Thiampite 22:21

Mi khat pawpo in kipawlkhop biakpiakna Topa tungah a piak ciang, kamciam taangtutna, ahibuale thinzaw biakpiakna a piak ciang, Topa ii saan thei tu in a mealhem ngawl nganhing hi tu hi.

Thiampite 22:23

Thinzaw biakpiakna ah a khansamh ahibuale a limci tatak ngawl nganhingte pia thei tu nu hi, ahizong kamciam taangtut natu in tuate kisaang ngawl hi.

Thiampite 22:29

Topa tungah lungdamko biakpiakna na piak uh ciang hong san thei tu in ngeinate zui vun;

Thiampite 7:16

Mihing khat in kamciam taangtut natu ahizong ama thinzaw biakpiakna taw ahizong a piak pawlkhop biakpiakna hong paipui le biakpiak ni in ne siat ngawl tu a, a taanglai pawpo a zing ciang ne thei tu hi.

Thiampite 7:18

A ni thum ni in a taanglai sa a kine le tua pa biakpiakna Pathian in saang ngawl tu hi. Tua biakpiakna sia ama atu in phattuamna om ngawl tu a, a thiangtho ngawlin kingaisun in, tua sa a ne pawpo in a piang babang thuak tu hi.