Thiampite 19:4 - Syin Chin Bible

⁴ “Kei hong taisan in milim bia heak vun; pathiante thik taw vawt tawm in bia heak vun. Keima in Topa na Pathian ka hi hi.

Thiampite 19:4 Iomraidhean Croise

1 Kumpite 14:9

Nang in na mai a ngamukte sangin mawna lianzawte na vawt hi. Nang in kei nong nial a, tuaciang ka thin uuk natu in milimte vawtin thik milimte na biak tu in na vawt hi.

1 Khangtaanghthu 16:26

A dang minam theampote ii pathiante sia milim bekma hi a, ahihang Topa in vantungte bitphua hi.

2 Khangtaanghthu 28:2

Israel kumpite ngamtatna zui zaw hi. Ama in thik taw Baal milimte vawtsak a,

Psalm Late 96:5

Minam dangte theampo ii pathiante sia milim hi lel bek hi, ahihang Topa in vantungte bitphua hi.

Pusuana 20:23

Keima nong biak banah note biak tu in ngunn le khamh pathiante vawt heak vun.

Pusuana 32:4

Aaron in tua bilbaate la in tuisak a, khui milim vawtna sungah sung in khamh khuitalno khat vawt hi. Mipite in, “Israel awng, hisia in Egypt pan hong pusuapui ih pathian ahi hi!” ci uh hi.

Pusuana 34:17

“Thik taw kivawt pathiante vawtin bia heak vun.

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 19:25

Ahizong a kum ngana ciang tua thingnga ne thei tu nu hi. Tuabang na hi uh le na thingno te in nga tamzaw nga tu hi. Keima in Topa na Pathian ka hi hi.

Thiampite 19:5

“Kipawlkhop biakpiak natu in nganhing na ngaw uh ciang kong piaksa ngeinate zui vun, tua hile tua biakpiakna kong saang tu hi.

Thiampite 26:1

Topa in, “Biak tu in milimte vawt heak vun, ahibuale suangkhuamte, ahibuale a kizeam suangte phut heak vun. Keima in Topa na Pathian ka hi hi.

Haggai 2:18

Tuni sia tha kua tha, ni kul le ni li ni hi a, Biakinnpi tawdap phaana a kiman ni hi. Tu pan kipan bang hong piang tu ziam en tavun.

1 Corinth te 10:14

Tua ahiciang ka it lawmte awng, milim biakna na pial tavun.

Thuhil kikna 27:15

“ ‘Suang, thing ahibuale leisung sumpiangte taw milim vawt a, tuasia a bia ku pawpo tungah Pathian haamsiatna tung tahen; Topa in milim biakna ngaimaw hi.’ “Tuasia ciang mipi theampo in ‘Amen!’ ci in zo tu uh hi.

Thuhil kikna 4:16

bangbang lim khat pawpo — pasal ahibuale numei meal

Thuhil kikna 7:25

A milimte hal vun. Tua milim tungah a om khamh le ngunnte dei heak vun a, noma atu in la heak vun. Na la uh le note atu in thina piang tu hi, banghang ziam cile, milim biaknate Topa in huatsa hi.

1 John 5:21

Ka tate awng, a maan ngawl pathiante panin noma le noma na kikeam tavun!