Thiampite 19:34 - Syin Chin Bible

³⁴ Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Thiampite 19:34 Iomraidhean Croise

Psalm Late 146:9

Ih ngam sungah khualmi hong teangte ama in sungsia hi; ama in meingongte le tangate hu hi, ahihang a seksolte sia siatcip natu munah then hi.

Pusuana 22:21

“Ngamdangmi khat vawtsia ahibuale zothaw heak vun; Egypt ah ngamdangmite na hina uh phawk vun.

Ezekiel 47:22

tua sia a tawntungin noma neisa hi tu hi. Ngamdangmi noma taw a teang khawm te le hi lai munah a suak a tate zongh in leitang na hawm uh ciang a nga tu bang hawmtel saang tu uh hi. Amate sia Israel ngammi tatakte bangma in kivawt tu a, Israel minamte taw a kihawmna meetang sawk khawmin leitang nga tu uh hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Thiampite 19:3

Kong thupiak bangin note in na nu le na pa zakta vun a, Sabbath tang vun. Keima in Topa na Pathian ka hi hi.

Mi Simna 10:32

Ko hong zui lete Topa hong piak thupha theampo nang taw ih hawm tu hi.” ci hi.

Matthew 5:43

“ ‘Na lawmte it vun a, na ngalte ensan vun,” ci thu na zaaksa uh hi.

Thuhil kikna 10:19

Tua ahikom tua ngamdangmite tungah itna lak vun, banghang ziam cile note khatvei Egypt ngam ah ngamdangmi ma hi ngei nu hi.

Thuhil kikna 23:7

“Edom te zawngsak heak vun; na beete uh hi. Tuaciang Egypt te zawngsak heak vun; amate ngam ah teang ngei nu hi.

Thuhil kikna 23:8

A khang thumna pan kipan a suan a paalte Topa ii mite sungah kihel thei tu uh hi.

Ruth 2:10

Ruth in a maitang lei pha dong kunsuk a Boaz tungah, “Nang a banghang kei huvau hong thinnuammaw mama ni ziam? Banghangin ngamdangmi khat tungah hong dik mama ni ziam?” ci hi.