Thiampite 19:33 - Syin Chin Bible

³³ “Noma ngam sungah hong teang ngamdangmite vawtsia heak vun.

Thiampite 19:33 Iomraidhean Croise

Pusuana 22:20

“Keima., Topa simngawl, pathian dang tungah sangaw biakpiakna a vawt peuma kithatlum tu hi.

Pusuana 22:21

“Ngamdangmi khat vawtsia ahibuale zothaw heak vun; Egypt ah ngamdangmite na hina uh phawk vun.

Pusuana 23:9

“Ngamdangmi khat vawtsia heak vun; ngamdangmite ii a thinsung thuakzia na he uh hi, banghang ziam cile Egypt ah note ngamdangmite na hi uh hi.

Jeremiah 7:6

Noma phattuam natu in ngamdangmite, tangate le meingongte zothaw nawn heak vun. Hi ngam sungah a mawbaang ngawl mite that nawn heak vun. Pathian dangte bia nawn heak vun, banghang ziam cile tua in noma hong lalsak tu hi.

Ezekiel 22:29

Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Thuhil kikna 24:14

“Israel na mipuite ahibuale na khua sungah a teang ngamdang mite, zawngin a cimaw na cial uh naseamte theam heak vun.

Thuhil kikna 24:17

“Ngamdangmite le tangate ii a nga tu te khaktan heak vun a; meingong nu ii puansilh sia leiba khapna in la heak vun.

Thuhil kikna 24:18

Egypt ngam ah sal na hina uh le Topa na Pathian ii hong suataksakna thu phawk vun; tua hu in hi thupiakna sia kong pia hi.

Thuhil kikna 27:19

“ ‘Ngamdangmite, tangate le meingong nupite ii nga tute a khaktan pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.