Thiampite 19:32 - Syin Chin Bible

³² “Khanghaamte zatakna lak vun a, upat vun. Keima hong thasia in ka thu ni vun; keima in Topa ka hi hi.

Thiampite 19:32 Iomraidhean Croise

Pianciilna 31:35

Rachel in a pa tungah, “Na mai ah hong ding thei ngawl ka hikom topa awng, thin uuk heak in; numei ngeina ka nei laitak hi,” ci hi. Laban in zong a, ahihang a innkuan milimte mu ngawl hi.

Pianciilna 48:12

Tua zawkciang Joseph in Jacob kaang pan a amate la in, a pa mai lei ah kun hi.

1 Kumpite 2:19

Tua ahikom Bathsheba sia kumpipa kungah Adonijah taangin a paupui tu in pai hi. Kumpipa sia a nu muak tu in dingto a, a nu kun hi. Tuasia zawkciang ama kumpi tokhum tungah to a, a nu atu tokhum dang khat lasak in a ziatsang ah tosak hi.

2 Kumpite 17:36

No te Egypt ngam pan vaangletna le thahatna taw hong pusuapui keima Topa ii thu hong ni tu nu hi, note kei mai ah hong kun tu nu hi, tuaciang sangaw biakna zongh hong pia tu nu hi.

Job 32:4

Elihu ahile tualai ah a moibel ahikom ngual theampo ii thuson man dong ngak hi.

Job 32:6

thuson tu hong kipan hi. Kei moi lai a, no haam zo nu hi, tua ahikom ka ngaisutna kong son tu ka lauthawng hi.

Paunakte 16:31

Khansauna sia a thutangte ii thaman ahi hi; puakkaanna in minthanna kumpilukhu ahi hi.

Paunakte 20:29

Khangnote ii thahatna thupi ih sa a, khanghaamte puakkaang ih zakta hi.

Paunakte 23:22

Na pa thuson ngai in; ama ngawl taw piang thei ngawl tu ni hi. Na nu a khanhaam ciangin ama thupi na saknate lak in.

Isaiah 3:5

Mihing theampo khat le khat tungnut kituu in meetna la tu hi. Khangmoite in khanghaamte zakta ngawl tu a, a mannung ngawl mihingte in a tungsia te zakta ngawl tu hi.

Kaa late 5:12

Koma ii lampuite hong matsakin ngui awksak a; koma ii pasal huaite hong zataksak bua uh hi.

Thiampite 19:14

Nangongte haamsiat heak vun a, mittawte lutu natu in a mai ah na khat zongh koi heak vun. Kei hong kiita tavun; keima in Topa na Pathian ka hi hi.

Romete 13:7

Amate tungah na batte uh na lo vun, nangma pumpi tung pan ahizong na neisa tung pan ahizong shia cite peuma na pia vun, zatak tute na zakta vun a, upat tute na upat vun.

1 Timothy 5:1

Pasal khanghaam zaw khat sia teih heak vun a, na pa bangin ngaisun in, na thuum zaw vun. Pasal khangmoizawte na suapui bangin vawt vun,

1 Peter 2:17

Mihing theampo zatak vawt vun, na thu uppuite it vun, Pathian thasiana nei vun a, Kumpilianpa zakta vun.