Thiampite 19:30 - Syin Chin Bible

³⁰ Sabbath tang vun a, keima nong biakna mun zakta vun. Keima in Topa ka hi hi.

Thiampite 19:30 Iomraidhean Croise

2 Khangtaanghthu 33:7

Ama in Topa Biakinnpi sungah milim khat koi a, tua mun in Pathian ii David le a tapa Solomon tungah, “Hi lai Jerusalem khua sung, hi Biakinnpi sung sia keima hong kibiak natu in, Israel minam sawm le niite ii ngamsung theampo panin ka tealna mun ahi hi.

2 Khangtaanghthu 36:14

Tua banah Judah lampuite, thiampite le mipite in a kiim ah a om minamte ii mawna khialnate zui in milim bia uh hi, tuabangin amate in Topa mama ii a thiansak Biakinnpi ninsak uh hi.

Psalm Late 89:7

Mi thiangthote council kikhopna ah nang hong kikiita hi; amate theampo in nang hong thasia in ding uh hi.

Pusuana 20:8

“Sabbath tang vun a, tua ni thiangthosak vun.

Thuhilsya 5:1

Biakinnpi ah na pai ciang kidawm in. Tua munah pai in thusin tu sia, a maan le a maan ngawl a he ngawl mihing mawmawte ii sangaw biakpiakna sangin phazaw hi.

Ezekiel 9:6

Pasal huaite, tangvalte, ngaknute, nute le patangte thatlum siat vun. Ahihang a talki tungah tepteena a om pawpote thutha heak vun. Hi lai ka Biakinnpi panin pan vun,” a ci ka za hi. Tua ahikom amate in tua Biakinnpi ah a ding lampuite panin pan uh hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Thiampite 15:31

Ngiaphual laizang ah a om Topa ompuina Puanbuk a nitsak ngawl natu in Israel mite tungah a thiantho ngawlna taw kisai in, a kidopna tu thu a son tu in Topa in Moses thupia hi. A ninsak ahile amate kithatlum tu hi.

Thiampite 16:2

Ama in, “Thiangtho Bel Mun sung puankhai ii nungah a hun lian ciang a tum natu in na suapuipa Aaron son in, banghang ziam cile tua mun sia Thuciamna Thingkuang sitna tung meei sungah ka kilaakna mun ahi hi. Tua thu a ni buale ama kithatlum tu hi.

Thiampite 19:3

Kong thupiak bangin note in na nu le na pa zakta vun a, Sabbath tang vun. Keima in Topa na Pathian ka hi hi.

Thiampite 26:2

Biakna poaite vawt vun a keima nong biakna mun ciliap vun. Keima in Topa ka hi hi.

Matthew 21:13

tuaciang, “Laithiangtho sungah Pathian in, ‘Ka Biakinn sia thungetna inn’ kici tu hi, ci hi, ahihang note in ngutate bukna na suaksak uh hi!” ci hi.

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

1 Peter 4:17

Thukhen kipat tu hun hong tung zo a, Pathian aituam mihingte sia thu kikhen masa tu hi. Eite taw hong pan le Pathian kung pan hong pai Lungdamna Thupha a um ngawlte bang suak thong tu ziam?