Thiampite 19:3 - Syin Chin Bible

³ Kong thupiak bangin note in na nu le na pa zakta vun a, Sabbath tang vun. Keima in Topa na Pathian ka hi hi.

Thiampite 19:3 Iomraidhean Croise

Pianciilna 48:12

Tua zawkciang Joseph in Jacob kaang pan a amate la in, a pa mai lei ah kun hi.

Nehemiah 9:14

Na Sabbath nite a thianthosak natu in amate na hil a, na naseampa Moses tungtawnin na thukhamte na pia hi.

Pusuana 16:29

Tawlngak ni hong pia pa sia keima Topa ka hina phawk tavun a, tua ahi hu in ni nii sung na khom tu uh an, ni luk ni in kong pia tawntung tu hi. Ni sali ni in a kuama po a omna munah om tu a, inn pan pusuak ngawl tu hi,” ci hi.

Pusuana 20:12

“Keima kong piak ngam le lei ah khansau in na nuntak thei natu in na nu le na pa zakta vun.

Pusuana 20:8

“Sabbath tang vun a, tua ni thiangthosak vun.

Pusuana 21:15

A nu ahibuale a pa a vua sia kithatlum tu hi.

Pusuana 21:17

A nu ahibuale a pa a haamsiat sia kithatlum tu hi.

Paunakte 1:8

Na pa le na nu hong sonte pha takin nadon in, ka tapa awng.

Paunakte 23:22

Na pa thuson ngai in; ama ngawl taw piang thei ngawl tu ni hi. Na nu a khanhaam ciangin ama thupi na saknate lak in.

Paunakte 30:11

A pate haamsiatin a nute a thupi sim ngawl mihing om hi.

Paunakte 30:17

A pa sia ngual nuizak tu in ciammuina in a nei, ahibuale a nuhuai a zawngsak mihing khat pawpo sia vaciikte in a sa ne le pha hi, tua ahibuale zong a mittangte ngam va-akte in khel le pha hi.

Isaiah 58:13

Topa in, “Sabbath sia thiangthosakin tua ni in noma meet natu bek zong ngawlin; ka ni thiangtho ni sia man neisakin, khualhaw ngawl, naseam ngawl ahibuale tua ni in kam mannung ngawl pau ngawlin na omna taw zatakna na pia uh le,

Ezekiel 20:12

Koma kilaklaw thukimna limlakna in Sabbath tanna ka vawt a, keima Topa in amate a thiangthosak sia keima ka hi hunlam a phaw natu ahi hi.

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 19:25

Ahizong a kum ngana ciang tua thingnga ne thei tu nu hi. Tuabang na hi uh le na thingno te in nga tamzaw nga tu hi. Keima in Topa na Pathian ka hi hi.

Thiampite 19:30

Sabbath tang vun a, keima nong biakna mun zakta vun. Keima in Topa ka hi hi.

Thiampite 19:31

“Mithisate ii thaate thu a dongh thei te kungah thu dongh tu in pai heak vun. Na pai uh le, note biakna taw kisai in a thiang ngawl na hi tu uh hi. Keima in Topa na Pathian ka hi hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Thiampite 23:3

Note in na nasep natu in ni luk sung nei nu hi, ahizong ni sali ni, Sabbath sia tawlngakna ni ahi phawk vun. Tua ni in naseam heak vun, ahizong biakpiakna vawt tu in kikhawm vun. Koisung po na teang uh zong Sabbath sia Topa neisa ahi hi.

Thiampite 26:2

Biakna poaite vawt vun a keima nong biakna mun ciliap vun. Keima in Topa ka hi hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Thuhil kikna 27:16

“ ‘A pa ahibuale a nu a zatak vawt ngawl pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.

Thuhil kikna 5:16

“ ‘Keima Topa na Pathian ii kong thupiak bangin na nu le na pa zakta vun, tua hile na ma vang tu a, kong piak natu ngam ah khuangei mama na nungta tu uh hi.

Hebrew te 12:9

Ih leitung pate tungtaang ahile amate in daan hong pia a, eite zongh in zatakna ih pia hi. Tua ahile thaa lamsang ih Pa tungah bangza in ki aap zaw tu a, nungta zaw tu hi ziam!