Thiampite 19:26 - Syin Chin Bible

²⁶ “Chisan a om lai sa ne heak vun. Mitbum aisaanna tuatuamte zangh heak vun.

Thiampite 19:26 Iomraidhean Croise

Pianciilna 44:5

Banghangin ka topa ngunn hai ngu nu ziam? Ka topa tui neakna hai hi a, aisaan na in a zak hi. Khialna nasia mama khat vawt nu hi!’ na ci ta'n,” ci hi.

Pianciilna 9:4

Na neak ngawl tu khat sia chi om lai sa na ne bua het tu uh hi; banghang ziam cile nuntakna sia chi sungah om ahi hu in neak tu kong khaam hi.

2 Kumpite 17:17

Amate in a tapa a tanute doai biate ii pathiante tungah meihal biakpiakna in pia uh hi; amate in thaa sam theite le aisaan theite thu dongh uh hi, tuaciang amate in Topa ii muna ah a maan ngawlte vawt tu in kipum aap uh a, Topa thin uukna piangsak hi.

2 Kumpite 21:6

A tapa sia meihal biakpiakna in pia hi. Ama in aisaan le mitbumna zangh in, tuaciang aisaan theite le thaa sam theite kungah thu veu dongh hi. Ama in Topa tungah nasia takin maw a, a thin uukna piangsak hi.

2 Khangtaanghthu 33:6

Ama in a tapate Hinnom Kuam ah meihal biakpiakna in nei hi. Ama in mitbum le aisaanna zangh a, maisang thu a sontheite le thaa sam theite thu dongh hi. Ama in Topa tungah maw mama in a thin uuksak hi.

Pusuana 7:11

Tuasia ciang kumpipa in a mipilte le mitbum thiamte samin a mitbum thiamna taw a kibangma in vawt uh hi.

Pusuana 8:7

Ahizong mitbum thiamte zongh in mitbum thiamna zanghin ngam sungah ulolte pusuaksak hi.

Jeremiah 10:2

Ama in, “Minam dangte omzia zui heak vun; minam dangte in van ah a lamdang a kimute kiita in lau hikale note in na thin nawngkaisak heak vun.

Daniel 2:10

Kumpipa ii thudokte in, “Kumpipa awng, na heak nop bang sia hong son thei tu, hi leitung ah mihing khat beak om ngawl hi. Kumpipa dom ngawlin, milianbel le a vaanglianbel ngawngawn zongh khat beak in a aisaan theite, mitbum thiamte le bumtoai aitoaite tungah tuabang thute a dongh ngei kuama om ngawl lai hi.

Thiampite 19:25

Ahizong a kum ngana ciang tua thingnga ne thei tu nu hi. Tuabang na hi uh le na thingno te in nga tamzaw nga tu hi. Keima in Topa na Pathian ka hi hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Thiampite 7:26

Koisung po ah a teang zong Israel te in vacim chi le nganhing chi ne ngawl tu hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Sawltakte 15:20

Tua hi ngawl zawin, amate tungah lai ih thaak tu a, milim biakna in a kizak hu in a thiangtho ngawl ante a neak ngawl natu; numei le pa khialna panin, a kikep natu; nganhing a tawl kimeaklumte sa a neak ngawl natu le sachi neak ngawl natu, lai thaakin ih son tu hi.

Thuhil kikna 12:16

Ahizong a chi na ne bua het tu uh a; tuasia lei ah tui sun bangin na sung tu uh hi.

Thuhil kikna 12:23

A sungah chi om lai sate ne heak vun; banghang ziam cile chi sungah nuntakna om a, nuntakna sia sa taw nekhawm peuma heak vun.

Thuhil kikna 15:23

Ahizong a chi ne heak vun; tui sun bangin lei ah sung zaw vun.

1 Samuel 14:32

tua ahikom amate in ngalte khut sung pan a matte la tu in del uh hi, tuu le kealte la in tua munah ngo paih in, a chi thai ngawlin a sa ne uh hi.

1 Samuel 14:33

Saul munah hi thu kikhia a, “En in, mipite in sa le a chi ne khawmin Topa tungah mawna vawt hi,” ci uh hi. Saul au in, “No sia pawl zuakte nu hi! Suangtum lian khat hi sung keima kungah hong liik tavun,” ci hi.

1 Samuel 15:23

Ama leedona in bum le aitoaina bangma in sia a, kiphatsakna sia milim biakna za in mawna hi. Nangma in Topa thupiakna nial na hi man, ama in nang ii kumpi na hina hong nial zo hi,” ci hi.