Thiampite 19:18 - Syin Chin Bible

¹⁸ Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Thiampite 19:18 Iomraidhean Croise

Pianciilna 4:23

Lamech in a zite tungah, “Adah le Zillah awng, hong ngai tavun: tangvalno khat thatlum zo khi hi, banghang ziam cile ama in kei hong vua hi.

2 Samuel 13:22

Tuaciang Absalom in Amnon sia a suapuinu a buansak hu in huatsa mama a, pau zongh paupui nawn ngawl hi.

2 Samuel 13:28

tuaciang a naseamte thupia a: “Amnon ii zu a kham mama hun hong he tavun a, thu kong piak ciangin ama that vun. Lau heak vun. Keima in vaipuak la khi hi. Hang vun a, haisaang heak vun,” ci hi.

Psalm Late 103:9

Ama in hong teih thapaai ngawl hi; a tawntungin a thin uuk ngawl hi.

Pusuana 20:16

“A maan ngawlin khat pawpo mawsiat heak vun.

Paunakte 20:22

Ngual ii nang tungah hong khialnate thuk kik tu in ngaisun heak in. Topa muang in, ama in a maanin seam tu hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Matthew 19:16

Khatvei lai in Jesus kungah pasal khat hong pai hi. “Sya awng, tawntung nuntakna nga natu in, bang nasep pha ka seam tu ziam?” ci in Jesus dongh hi.

Matthew 19:19

na pa le na nu zakta in, nangma le nangma na ki it bangin na innpaamte zongh it in,” ci in zo kik hi.

John 13:34

Tuaciang, tu in thupiak thak khat kong pia hi: Khat le khat na ki it vun. Note kong it bangma in, khat le khat na ki it hamtang vun.

Sawltakte 16:28

Ahihang Paul in, a aw nei za taw oksan in, “Nangma le nangma bangma kilaw heak in! Hi sungah kote om siat khu hi!” ci hi.

Romete 12:17

A sia in hong vawt a om le a sia taw thuk heak vun. Mihing theampo ii pha hi ci in a ngaisutte sep tu hanciam vun.

Romete 12:19

Lawmte awng, phu kilam heak vun. Pathian thin uukna ii a sep tu in koi zaw vun. Banghang ziam cile laithiangtho in, “Phu ka lam tu a, ka thuk kik tu hi, Topa in ci hi,” ci hi.

Romete 13:4

banghang ziam cile amate in Pathian naseam hi a, nangma phattuam natu in naseam hi. Ahihang ngitlona na vawt le lauthawng in, banghang ziam cile ama in daan piak theina vaang nei tatak hi. Amate sia Pathian naseam hi a, mihing ngilote tungah Pathian daan tungsak hi.

Romete 13:9

Thupiak sungah, “Na kipalngul heak vun; mihing na that heak vun; na nguta heak vun; midangte neisa dungawk thin na nei heak vun,” hite theampo le a dangte sia, “Na innpaamte nangma na ki it bangin na it in,” ci thukham in huam siat hi.

Galatia te 5:14

Banghang ziam cile Thukham buppi sia thupiak khat in kingawm hi: “Nangma le nangma na ki it bangin na innpaamte na it in.”

Galatia te 5:20

milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi;

Ephesus te 4:31

Thin natna, thin tomna le thin uukna theampo na vawk vun. Ki oksatna ahibuale kiselnona, ki etsatna a tuatuamte theampo vawk vun.

Thuhil kikna 32:25

Ngalpi hangin amate lam lai ah thi tu uh a; a bangkua uh sungah patauna tung tu hi. Tangvalno le ngaknuno te thi tu uh a; nausente le khanghaamte zongh kikhoaikhe ngawl tu hi.

Thuhil kikna 32:35

Topa in amate phula in daan pia tu a; a kiamsuk tu hun hong pai tu a; a lal tu ni nai hi.

Colossae te 3:8

Ahihang tu in note in, thin uukna, a sia thangaina, etsatna thin neina, hite theampo na vawk siat vun. Kiselnona le a kiihuai kammalte na muk uh pan pusuaksak ngei heak vun.

Hebrew te 10:30

Banghang ziam cile, “Phu ka lam tu a, ka thuk kik tu hi,” a ci sia pa le, “Topa in ama mihingte thu a khen tu hi,” a ci sia pa zongh ih he hi.

James 2:8

Laithiangtho sungah a kimu Kumpi ngam ii thukham na zui uh le, a maan in na a seam na hi tu uh hi. Tua thukham in, “Noma le noma na ki it uh bangma in, na innpaam pa na it vun,” ci hi.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.

1 John 4:21

Christ ii eite hong thupiakna in hi sia hi: Pathian a it peuma in a suapuite zongh a it kul tu hi.