Thiampite 19:17 - Syin Chin Bible

¹⁷ “Mihing khat pawpo ngimhuat heak vun, ahizong ama hangin na maw na khial ngawl natu in na kithukim ngawl nate ama taw maitang kisi in pha tak son zaw vun.

Thiampite 19:17 Iomraidhean Croise

Pianciilna 27:41

Esau in Jacob ngaimaw hi, banghang ziam cile a pa in a thupha Jacob pia zo hi. Ama in “Ka pa thina hangin khuangai tu hun hong nai zo hi: tuasia zawkciang Jacob ka that tu hi,” ci in ngaisun hi.

2 Samuel 13:22

Tuaciang Absalom in Amnon sia a suapuinu a buansak hu in huatsa mama a, pau zongh paupui nawn ngawl hi.

Nehemiah 13:17

Jew lampuite ka teih a, amate tungah, “A sia na vawt uhte en ve vun! Sabbath ni ninsak nu hi.

Psalm Late 141:5

Mihing pha khat in deisakna taw hong teih in daan zongh hong pia thei hi, ahihang mihing ngilote ii upatna ka saang ngei buatu hi, banghang ziam cile amate ngamtat siatnate langpanin thu ka ngen tawntung hi.

Paunakte 9:8

A kisathei khat bangma hunin hilin pau heak in; ama in tua hu in nang hong ensan tu hi. Ahihang mihing ciim khat hilin pau lete ama in nang hong zakta tu hi.

Luke 17:3

Tua ahiciang nasepna po ah kidawm vun! “Na suapuipa a maw le teih in, a kisiik le maisak in.

Romete 1:32

Hi bangin a nungtate sia Pathian thukham in thidaan thuak hen a ci hunlam zongh amate in he uh hi. Ahitazong, a ngamtatna kheal ngawl bek dom ngawlin, tuabang a ngamtate zongh thukimpui lai uh hi.

1 Corinth te 5:2

Tua ahile bangbangin kiphasak thei tu nu ziam? Tua ci thada, na khuangai mama natu uh hi a, tuabang a ngamta pasal sia zongh no kipawlna sung panin na hawlkhiat tu uh ahi hi.

Galatia te 6:1

Ka suapuite awng, tatkhialna nam khat po taw mihing khat a kiman le, thaa taw a nungta note in, ama sia a dinmun maan ah na koi vun; ahihang cikna thiamna na zangh hamtang vun. Tuaciangin note zongh ze etna na thuak ngawl natu noma le noma ki en in kidawm vun.

Ephesus te 5:11

Mihingte ii sep le vawt khuazing taw a kipawl a mannung ngawlte na thutha heak vun a, tua ngamtatnate khuavak sungah then siat zaw tavun.

1 Timothy 5:20

Ngualdangte zongh a lau thei natu in a maw a khialte mihonpi mai ah teih in.

1 Timothy 5:22

Topa naseam tu in aapna in mihing khat pawpo tungah na khut nga memeang heak in. Ngualdangte mawna vawtna sungah kihel heak in; nangma le nangma thiangtho takin kikeam in.

2 Timothy 4:2

ngupna thu sia thuhilna in na nei in, (a hun a lem zong, a lem bua zong) upsak natu, teih natu, hanthot natu in thinsauna taw na thansak natu na vawt hamtang in.

Titus 2:15

Na thu hong ngaite, na hanthot ciang le na hil na pau ciangin nangma thuneina theampo na zangh in a, hi thute na hil ta'n. Amate kuama in nangma nomusak heak in.

1 John 2:11

Ahihang a suapuipa a ensan khat pawpo sia khuazing sungah om ahi hi; ama khuazing sungah lampai a, khuazing in a mit tawsak ahikom, a zot natu he ngawl hi.

1 John 2:9

A kuama po khuavak sungah ka om ci napi a, a suapuite a ensan le ama in tu dong ma in khuazing sungah om hi.