Thiampite 19:15 - Syin Chin Bible

¹⁵ Zum tung thusonnate na khen uh ciang “Thumaan le thutang taw thu khen vun; mizawngte ngum tuan heak vun, ahibuale sumhaute kiita heak vun.

Thiampite 19:15 Iomraidhean Croise

Job 13:8

Ama sungsia tu hanciam nu ziam? Ama ii thu sia zum ah kinial nuam nu ziam?

Job 32:21

Hi kam kinialna sungah pan tuam mun nei ngawl tu khi hi; kuama sialpok ngawl tu khi hi.

Job 34:19

Ama in ngamukte sangah pang ngawl hi, mizawngte puavawk a, a haute maipha pia tuan ngawl hi, banghang ziam cile mi theampo ama ii bitphua sa vive hi.

Psalm Late 82:2

“A maan ngawl thukhennate kheal vun; mihing seksolte ngum nawn heak vun!

Pusuana 18:21

Tua banah mipil mithiam pawlkhat tealin a, mihingte lampui tu in koi in: tuate sia mihing a tul, a za, a sawmnga le a sawm sim te ii lampuite hi tu hi. Amate sia Pathian a kiita mihing muanhuai le sumnguk ne thei ngawlte ahi kul tu hi.

Paunakte 18:5

A mawte angvan a, a maw ngawlte tungah a kikhaikim in thukhen ngawlna sia maan ngawl hi.

Paunakte 24:23

Mihing ciimte in hite zongh na ci lai hi: Thukhen pa khat atu in doidan nopna a nei sia maan ngawl hi.

Paunakte 31:9

Amate taangin pau in a, thutang thukhenpa hi in. A zawngte le taangsapna a neite ii nga tuak thute sungsia in.

Thiampite 19:35

“A man ngawl a sauna, a ngitna ahibuale a phakza teena taw khat pawpo theam heak vun.

John 7:24

A puatham munate taw thukhennate kheal vun, thumaan munate taw thukhen vun,” ci in zo hi.

Sawltakte 23:3

Paul in, “Pathian in note hong vel tatak tu hi — no leikaang taw a kizut innpangte awng! Thukham taw kizui in, kei thu hong khen tu in, tuak ah na to uh a, ahihang kei vel tu a, na kisawl uh ciangin, Thukham paltan na hi uh hi!” ci hi.

Thuhil kikna 1:17

Thukhenna te ah nguptuam paaituam nei heak vun; akua akua ahizong a vekpi a kibangin khensak vun. Kuama kiita heak vun, banghang ziam cile na thukhenna te sia Pathian kung pan hong pai hi. Thu khat pawpo note atu in a haksa lei le, hong paipui tavun a, keima ka khen tu hi,’ kong ci sa ahi hi.

Thuhil kikna 10:17

Topa na Pathian sia pathiante theampo tung le a vaang nei theampo tungah thu neibel hi. Ama lian in thahat a, kiitak tu ahi hi. Ama in nguptuam nei ngawl a, sumnguk saang ngawl hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

Thuhil kikna 27:19

“ ‘Ngamdangmite, tangate le meingong nupite ii nga tute a khaktan pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.