Thiampite 19:14 - Syin Chin Bible

¹⁴ Nangongte haamsiat heak vun a, mittawte lutu natu in a mai ah na khat zongh koi heak vun. Kei hong kiita tavun; keima in Topa na Pathian ka hi hi.

Thiampite 19:14 Iomraidhean Croise

Pianciilna 42:18

A ni thum ni in Joseph in amate tungah, “Keima in Pathian kiita mihing khat ka hi a, thu khat hangin na nuntakna uh kong khoaikhe tu hi.

Nehemiah 5:15

Ka mai ah ngamukmang a seam peuma mipite ii vanhngit hi a, ni simin a an tu le a sapittui tu in ngunn dangkatang 40 veu ngen uh hi. A naseamte ngawngawn in mipite nengcip hi. Ahizong keima in Pathian zakta ka hikom tuabangin ka ngamta bua hi.

Psalm Late 111:10

Topa zatakna in ciim natu lampi ahi hi; ama thupiakte a zui theampo tungah thu khentel thiamna pia hi. Ama sia a tawntungin pok tu ahi hi.

Thiampite 19:15

Zum tung thusonnate na khen uh ciang “Thumaan le thutang taw thu khen vun; mizawngte ngum tuan heak vun, ahibuale sumhaute kiita heak vun.

Thiampite 19:32

“Khanghaamte zatakna lak vun a, upat vun. Keima hong thasia in ka thu ni vun; keima in Topa ka hi hi.

Thiampite 25:17

Israel na mipuite theam heak in a, Topa na Pathian ii thu ni in.

Romete 12:14

Hong vawtsiate thupha a saan natu in Pathian munah thungetsak vun — hi hi, Pathian in haamsiat ngawlin thupha a piak natu ngen vun.

Romete 14:13

Tua ahikom khat le khat, thu ih kikhen buatu hi. Tua hi ngawl zaw in na khensat tu uh sia in hisia ahi hi. Na suapuipa lutu natu ahizong, mawna sung a pu natu ahizong bangma vawt heak vun.

1 Corinth te 10:32

Jew te atu ahizong Gentile te atu ahizong, Pathian ii pawlpi atu ahizong, haksatna a piangsak ngawl nuntakzia taw nungta tavun.

Thuhil kikna 27:18

“ ‘Mittaw khat a lamlak khial pawpo tungah Pathian haamsiatna tung tahen.’ “Tuasia ciang mipi theampo in, ‘Amen!’ ci in zo tu uh hi.

1 Peter 1:17

Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

1 Peter 2:17

Mihing theampo zatak vawt vun, na thu uppuite it vun, Pathian thasiana nei vun a, Kumpilianpa zakta vun.

Thupualaakna 2:14

Ahihang kong mawsiat nopna pawlkhat om hi: milim biakna an a neak natu le numei le pa paktat natu a kaizotna taw Israel te mawna sung a thengsak Balak tungah thu a hil Balaam thuhilna a zui pawlkhat na om uh hi.