Thiampite 19:13 - Syin Chin Bible

¹³ “Noma meet natu in midangte vanh suttol heak vun. Noma cial sa mihing khat ii thamante, zan khat bek zongh khak heak vun.

Thiampite 19:13 Iomraidhean Croise

Job 17:5

Paunak lui sungah mihing khat in sum huvau in a lawmte leeheak a, tua hu in a tate in thuak hi.

Job 31:39

tua munah a kiciing ante ne in, tua ante a ciing lothote ka pukthisakin ahile —

Job 7:2

sila khat ii nilim vot a lungngul bang, naseampa khat ii a thasum ngakin a om bang ahi hi.

Pusuana 20:15

“Nguta heak vun.

Pusuana 22:13

Ngamsate ii thalup ahile a neakmongte tetti in a lak kul hi; ama in ngamsa ii thalup sia atu liau kul ngawl hi.

Pusuana 22:15

Ahizong a nei pa om sungin, tuabang thu piang ahile liau kul ngawl hi. Man piak tu in a kizawng ahile a zawn man teng taw kisi tu hi.

Pusuana 22:21

“Ngamdangmi khat vawtsia ahibuale zothaw heak vun; Egypt ah ngamdangmite na hina uh phawk vun.

Pusuana 22:7

“Mihing khat in midang khat ii sum ahizong, na manpha dangte ahizong kepsak tu in thukim a, ama inn pan kingu in, a ngupa a kikan zo le a zaa nii in kiliausak tu hi.

Paunakte 20:10

Topa in a maan ngawl khaikhin toaisuangte le vanh teena a zangh mihingte ensan hi.

Paunakte 22:22

Hi thei tang ci in mizawngte tung pan hamphatna la heak vun; thukhenzum ah cimaw in a dingte tung pan hamphatna la heak vun.

Paunakte 3:28

Tutawm in na hu thei tu ahi nale zing ciang dong na innpaamte in ngaksak heak in.

Jeremiah 22:13

Thumaan ngawlna taw a inn a sa pa, a inn a peam pa; a ngammite a thawthong in a na seamsak a, a thaman a pia ngawl pa in siatna thuak ahi hi.

Jeremiah 22:3

Topa in, “Keima, Topa in thumaan le thutang na vawt vun ci in no thu kong pia hi. Theamna a thuak pa sia a theam pa ii khut sung panin dal vun. Ngamdangmite, tangate ahibuale meingongte vawtsia heak vun; hi a thiangtho munah a mawbaang ngawl mihingte that heak vun.

Ezekiel 18:7

Ama in kuama theam ngawl, a neisa suttol ngawl hi. Sum a pu khat ii a vanh aapte pia kik hi; ngilkialte anvaak in, a pumnguak omte puansilh pia hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Ezekiel 22:29

Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

Thiampite 25:14

Tua hi a, Israel na mipuite tungah na lo na zuak ciang, ahibuale ama tung pan lo na lei ciang a kilawm ngawlin kison heak vun.

Thiampite 25:17

Israel na mipuite theam heak in a, Topa na Pathian ii thu ni in.

Thiampite 6:3

a bo vanh khat mu napi leilot a mu bong ci in a kiciam ahile zong, Topa tungah maw ahikom biakpiakna khat a vawt kul hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Matthew 20:8

“Nitak ciangin huan neipa in a tha lampuipa munah, ‘Naseamte va sam tavun a, a nitha uh pia ta'n, a khakbel a kicialte pan panin pia ta'n a, a kicial masate pia khak tan’ ci in sawl hi.

Mark 10:19

“Thupiakte na heak hi a: ‘Mihing that heak in; palngul mawna vawt heak in; nguta heak in; leilot thu taw ngual suanhkhial heak in; ngualtheam heak in; na pa le na nu zakta in,’ ” ci hi.

Luke 3:13

“Na khon tu uh sangin a tamzaw khon heak vun,” amate tungah ci hi.

1 Thessalonica te 4:6

Tua ahikom hi thu tungtaang ah, kuama in ama ii Tapidawpuipa tungah khial ngawl tu a, hamphatna in la thei ngawl tu hi. Hi thu kong son ngei zo uh a, tuabang a ngamtate Topa in daan pia tu hi, ci in nasia takin kidop natu kong son zo uh hi.

1 Timothy 5:18

Banghang ziam cile, laithiangtho in, “Taang a cil khuital muk tuamsak heak vun,” ci a, “Naseamte in a thaman a nga hamtang tu kilawm hi,” ci hi.

James 5:4

Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.