Thiampite 19:12 - Syin Chin Bible

¹² Na zui ngawl tu po ka min taw kamciam pia heak vun; tua in ka min daisak hi. Keima in Topa na Pathian ka hi hi.

Thiampite 19:12 Iomraidhean Croise

Psalm Late 15:4

Pathian ii nilte sia amate zongh in thusim ngawl tu hi, ahihang Topa thu a nite sia amate in patoai tu hi. Bangza po supna keak a om tu ahi hial zong, amate in a kamciam bangin vawt tawntung hi.

Pusuana 20:7

“Keima min, a sia vawt natu in zangh heak vun, banghang ziam cile keima Topa na Pathian in ka min a zangh khial pawpo daan ka pia tu hi.

Isaiah 48:1

Hi thu ngai vun, Judah suan Israel mite awng: Note in Topa min taw kiciam in Israel te ii Pathian ka bia tu uh hi ci nu hi — ahizong na kam bek uh hi a, na ci takpi ahi bua hi.

Jeremiah 34:16

Ahihang na thin uh na kheal leleau uh a, ka min nong daisak uh hi. Amate ii uukna bang a na suataksak sa uh silate sia note theampo in na la kik uh a, sila in na kai kik uh hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Thiampite 18:21

Molech pathian biakna ah zak tu in na tate khat zongh pia heak in, banghang ziam cile tua in Topa ahi Pathian ii min daisak tu hi.

Thiampite 20:3

Mihing khat pawpo a tate khat Molech tungah pia in, ka Puanbuk thiangtho ninsak a, ka min thiangtho a daisak le ka nungngat tu a, ka mi khat in ka ngaisun nawn buatu hi.

Thiampite 6:3

a bo vanh khat mu napi leilot a mu bong ci in a kiciam ahile zong, Topa tungah maw ahikom biakpiakna khat a vawt kul hi.

Zechariah 5:3

Tuaciang ama in kei tungah, “Tuasia tungah ngam bup sungah a tung tu haamsiatna ki at hi. A laizial langkhat ah ngamsung panin nguta a minpiang kinotkeak tu hi; a langkhat ah kiciamna taw leilot thu a son theampo zongh kikaikeak tu hi, ci in ki at hi.

Zechariah 5:4

Vaanglianbelpa Topa in tua haamsiatna ka tungsak tu a, tuasia in nguta pawpo ii inn le, kiciamna taw leilot thuson pawpo ii inn te sungah tum tu hi ci hi. Tua haamsiatna sia amate inn sungah teang tu a, tua innte a lalcipsa in kinusia tu hi,” hong ci hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Thuhil kikna 5:11

“ ‘Keima min, a sia vawt natu in zangh heak vun, banghang ziam cile keima Topa na Pathian in ka min a zangh khial pawpo daan ka pia tu hi.

James 5:12

A thupibelin ci leang suapuite awng, kamciam na vawt uh ciangin tomlo in kiciam heak vun. Vantung taw ahizong leitung taw ahizong, nadang khat pawpo taw ahizong tomlo in kiciam heak vun. Hi na sak uh ciang, “Hi hi” bekma ci vun, ahi ngawlna ah, “Hi bo” ci lel vun, tua hile Pathian ii thukhenna na thuak buatu uh hi.