Thiampite 18:8 - Syin Chin Bible

⁸ Na pa zino dangte khat pawpo taw numei le pa khialna vawtin na pa maizum pia heak in.

Thiampite 18:8 Iomraidhean Croise

Pianciilna 35:22

Tua ngam ah Jacob a teen laitakin, Reuben in a pa zinote khat ahi Bilhah taw omkhawm hi; Jacob in tua thu za a, thin uuk mama hi. Jacob in tapa sawm le nii nei hi.

Pianciilna 49:4

Nang in tuipawm khat taw na kibang a, Ahizong a thupibel na hi buatu hi, Banghang ziam cile ka zino na luppui a, na pa ii lupna na paksak hi.

Ezekiel 22:10

Mihing pawlkhatte in a pate ii zi taw lumkhawm uh hi. Mihing pawlkhat te in numei te a nin nei laitakin zawthawk thu taw ompui uh hi.

Thiampite 20:11

Mi khat in a pa zite khat a khialpui le a pa maimawlsak hi a, a nii in kithatlum tu hi. Amate thina in amate kivawt ahi hi.

Amos 2:7

Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

1 Corinth te 5:1

Tu in, Pathian he ngawlte sung zongh ah a om ngeingawl, a patau huai numei le pa paktatna note sungah om hi, ci in kison takpi hi. Pasal khat sia a nu kik taw lumkhawm hi, ci in hong kison hi!

Thuhil kikna 22:30

“Kuama in a pa ii zite khat pawpo taw khialin a pa maimawl sak heak hen.

Thuhil kikna 23:1

“Cil kingetsate ahibuale zang a ki attansate peuma Topa ii mite sungah kihel thei ngawl tu hi.

Thuhil kikna 27:20

“ ‘A pa zite khat pawpo khialpuina taw a pa a maimawlsak pawpo tungah Pathian haamsiatna tung tahen.’ “Tuasia ciang mipi theampo in ‘Amen!’ ci in zo tu uh hi.