Thiampite 18:5 - Syin Chin Bible

⁵ Sep tu kong sawl te seam vun a, kong piak thukhamte zui vun; tuabang na hina uh taw na nuntakna na hu tu uh hi. Keima in Topa ka hi hi,” ci hi.

Thiampite 18:5 Iomraidhean Croise

Nehemiah 9:29

Na hilnate ni in a kidop natu thu na pia a, ahizong na Thukham zuina in nuntakna lampi hi napi, amate kiphasak a, na thukhamte nial uh hi. Amate a thin sahin a thinpui a, thu ni ngawl uh hi.

Pusuana 6:2

Pathian in Moses tungah, “Keima in Topa ka hi hi.

Pusuana 6:29

ama in, “Keima in Topa ka hi hi. Kong son theampo Egypt kumpipa tungah son in,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Isaiah 55:3

“Tu in ngai vun, ka mite awng, ka kungah hong pai tavun; ka kungah hong pai tavun tua hile nuntakna na nga tu uh hi! Note taw thuciamna kho khat ka vawt tu a, David tungah ka kamciamsa thuphate kong pia tu hi.

Ezekiel 18:9

Tuabang mihing khat in ka thupiakte zui a, ka thukhamte pha takin tang hi. Ama sia thutang a, tua ahiciang nungta tu hi,” hong ci hi.

Ezekiel 20:11

Ama te tungah a zui pawpo nuntakna a pia thupiak te ka nei a, ka thukhamte ka hil hi.

Ezekiel 20:13

Ahihang sennealngamsung ngawngawn ah kei hong nalh uh hi. Ama te in a zui pawpo nuntakna a pia ka thukham te paltan a, ka thupiakte a nial uh hi. Amate in Sabbath sia niincipsak uh hi. Amate sennealngam ah ka thin uuk tutna taw sucip tu in ka kinging zo hi.

Ezekiel 20:21

“Ahihang tua khang kikte zongh in kei hong nalh uh hi. Amate in ka thukhamte paltan a, a zui pawpo nuntakna a pia ka thupiakte a zui bua uh hi. Sabbath niinsak uh hi. Amate sennealngam ah ka thin uuk tutna ka phawksak tu a, thalup siat tu in ka kinging zo hi.

Thiampite 18:6

Topa in a nuai a zui tu ngeinate pia hi. Na mealheakte khat pawpo taw omkhop khialna vawt heak vun.

Malachi 3:6

“Keima in Topa ka hi a, ka kikheal bua hi. Tuaciang no, Jacob suan le paalte zongh na mong siat bualai uh hi.

Matthew 19:17

“A banghangin naphate huvau kei tungah hong dongh ni ziam? A pha khat bekma om hi. Nuntakna sungah na tum nuam le thupiakte tang in,” Jesus in ci hi.

Luke 10:28

Jesus in, “Na ci teng maan hi, tuabangin ngamta lete na nungta tu hi,” ci in zo kik hi.

Romete 10:5

Pathian tungah a thutang na sua natu in, Thukham nitna taw kisai in, Moses ii lai at in hi bang ahi hi: “Thukham sawl bangin a ngamta theampo in tua taw nungta tu hi.”

Romete 7:10

tuaciang kei ka thi hi. Tuasia ciangin nuntakna a piangsak tu thupiak sia kei atu thina ahi hi.

Galatia te 3:12

Ahihang Thukham in, upna taw a kisaina bangma om ngawl hi. “A kuama po thukham deina a vekpi in a seam peuma nungta tu hi,” laithiangtho in ci zaw hi.

Thuhil kikna 30:20

Topa na Pathian it vun, a thu ni vun, ama tungah thumaan vun, tuasia ciang, na taanghpupite ahi Abraham, Isaac, le Jacob tungah piak tu a, a kamciamna ngam sungah noma le na suan na paalte khansau in na nungta tu uh hi,” ci hi.

Thuhil kikna 30:6

Na thin theampo taw ama na it natu uh le tua ngam ah na teen suak thei natu uh in Topa na Pathian in note le na suan na paalte tungah thu nit nopna thin hong pia tu hi.

Thuhil kikna 4:1

Tuaciang Moses in mipite tungah, “Kong hil thukham theampo zui vun, tua hile na nungta tu uh a, Topa na taanghpupite ii Pathian ii note hong piak tu ngam na la tu uh hi.