Thiampite 18:25 - Syin Chin Bible

²⁵ Amate ngamtatna in ngam le lei ninsak ahikom Topa in leitang daan pia in tualai ah a teang mite leitang in nialsak hi.

Thiampite 18:25 Iomraidhean Croise

1 Kumpite 21:26

Israel mite maisang a nawk lai in ngamsung pan Topa ii nawkeak Amor te ii biak bangma in ama in milim biakna taw maizumhuaibel mawnate vawt hi.)

Ezra 9:11

Kamsaang na naseamte tungtawn a nong thupiakte ka zui bua leleau uh hi. Amate in ka laak tu uh ngam sia thiangtho ngawl hi, banghang ziam cile tualai ah a teang mite in tua ngam mong khat pan mong khat a kiihuai, a thasiathuai ngamtatnate taw kidimsak hi hong ci uh hi.

Psalm Late 106:38

Amate in tua mawnei ngawl patangno numeinote thatlum uh a, tua kithalupnate in ngam ninsak hi.

Psalm Late 89:32

amate mawnate huvau in daan ka pia tu hi; amate khialnate huvau in ka thuaksak tu hi.

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Isaiah 26:21

Topa in vantung a teenna mun panin leitung mihingte mawna hangin daan pia tu in hong pai tu hi. Leitung ah a kithatlum ku mihingte kipualaak tu a, leitang in tua a kithatlumte seal nawn ngawl tu hi.

Jeremiah 14:10

Hi mihingte taw kisai in Topa in, “Amate in kei kung pan tai nuam uh a, tuaciang amate le amate ki uk zo ngawl tu hi. Tua ahikom amate tungah ka lungkim ngawl hi. Khialna a vawt nate ka ciamtee tu a, a mawnate hu in amate daan ka pia tu hi,” ci hi.

Jeremiah 16:18

Amate ii mawna khialna le seksol nate hu in a zaa nii ka liausak tu hi, banghang ziam cile mithi luangte bang a nuntakna a nei ngawl milimte taw amate in ka ngam ninsak uh a, amate ii a maan ngawl pathiante ka ngamsung kidimsak hi,” ci hi.

Jeremiah 2:7

Keima in amate thaw an laaknate le a dang a phate a nga natu in leiphana mun ka thetpui hi. Tua hi napi amate in ka ngam siasak zaw a; amate ka piaksa ngam ninsak uh hi.

Jeremiah 23:2

Ama mihingte keamcing tu a, a kingaisun ngamukte taw kisai in Topa, Israel ii Pathian in hi bangin ci hi: “Ka mihingte nong kepcingsak bua uh hi; na thethaang zo a na hawlkeak uh hi. A sia na vawt uh hu in tu in daan kong pia tu hi.

Jeremiah 5:29

“Tua ahikom, keima Topa in, hi thute hangin amate daan ka pia tu hi; hi minam tungah phu ka la tu hi.

Jeremiah 5:9

Hi thute hangin amate daan pia ngawl, hi bang minam tungah phula ngawl tu khi ziam?

Jeremiah 9:9

Hi thute hu in amate daan pia ngawl tu khi ziam? Hi bang minam khat tungah phula ngawl tu khi ziam? Keima Topa in ka son hi,” a ci hi.

Hosea 2:13

Baal tungah ngimnamtui khat a hal ciang le a suangmanpha kizepnate taw kizeamin a lawmpate a del hun lai a kei hong makngil hu in ama daan ka pia tu hi. Topa in son zo hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:9

Gibeah ah a ngamtat bangin a sep a vawtna ah amate siat tawpin sia hi. Pathian in a mawna ciamtee tu a, tua hu in amate daan pia tu hi.

Thiampite 18:26

Amate in hi bang a kiihuainate taw a leitang ninsak uh a, ahizong note tuabang na hi bua het tu uh hi. Note theampo, Israel te ahibuale no taw teang khawm ngamdangmite in Topa thukhamte le thupiakte zui hamtang tu nu hi,

Thiampite 18:28

tua hile note mai ah a teang doai biate leitang ii a nial bangin, no hong nial ngawl tu hi.

Romete 8:22

Banghang ziam cile nausuak tun a nat bangin tu hun dong ma bitphuasa theampo in na a sakna taw tau in om hi ci ih he hi.

Thuhil kikna 18:12

Hi bangin a kiihuai na a zangh mite Topa na Pathian in huatsa a, tua hu in mailam na manaw uh ciang tua ngamsung pan tuabang minamte hawlkeak tu hi.

Thuhil kikna 21:23

tualai ah zan ngiaksak heak vun. Tua a luang sia tua ni ma in kiphum tu hi, banghang ziam cile khuam tungah a kikhai mithi luang khat in tua leitang tungah Pathian haamsiatna tungsak hi. Topa na Pathian ii hong piak ngam le lei na nitsak ngawl natu in a luang phum vun.

Thuhil kikna 9:5

Na phatna le a maan na sepna uh hangin Topa in amate ngam hong lasak tu hi ngawl hi. Hi mite seksolna hang le na taanghpupite Abraham, Isaac le Jacob tungah a kamciam a taangtutsak nop manin Topa in amate notkeak tu hi.