Thiampite 18:24 - Syin Chin Bible

²⁴ Hi ngamtatnate taw a thiang ngawl kisua tawm heak vun, hi ngam na thet ma a, a teangsa doai biate in hi bangin amate kininsak ahikom noma tum thei natu in Topa in bengkeak hi.

Thiampite 18:24 Iomraidhean Croise

Pianciilna 15:16

Khang li zawkciang na suan na paalte hi ngam ah hong cia kik tu hi, banghang ziam cile hi sungah Amor te sia hong seksol mama tu a, daan a kipiak mateng hi mun pan ka notkeak buatu hi,” ci hi.

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

2 Khangtaanghthu 33:2

Israel mite maisang a manaw lai in tua ngamsung pan Topa ii a nawkeak minamte ii a kiihuai ngamtatna te zui in Manasseh sia Topa tungah maw hi.

Ezra 9:1

Hi teng a kisep zawkciang Israel mite lampui pawlkhat hong pai in, mipite, thiampite le Levi te sia a innpaamte ahi Ammon, Moab le Egypt ngammite sung pan ahizong, Canaan te, Hit te, Periz te, Jebus te le Amor te sung pan ahizong a tuamin a om ngawlna thu ka tungah hong son uh hi. Amate in hi mite ii a vawt a kiihuai nate ma vawt uh hi.

Psalm Late 106:39

A ngamtatna uh taw amate le amate kininsak in Pathian tungah a thumaan bua uh hi.

Jeremiah 44:4

Ka naseam kamsaangte note kungah tatsat ngawlin kong paisak a, amate in ka ngaimawk a lauhuai, hi na sia na vawt ngawl natu in note hong son uh hi.

Ezekiel 36:17

Ama in, “A thithei mihing awng, Israel te a ngam sungah a teen lai in, a nuntakzia le a ngamtatna taw a ngam ninsak uh hi. Amate ngamtat luheak sia numei khat tha simin a nin nei hun sung bangin biakna taw kisai a thiangtho ngawlin ka ngaisun hi.

Thiampite 18:3

Na om ngeina uh Egypt mite omziate ahizong ahibuale tu in note kong paipuina Canaan ngamsung a teang mihingte ii omziate ahizong zui heak vun.

Thiampite 18:30

Tuaciang Topa in, “Kong thupiakte zui in hi ngam le lei ah note mai a teang masate ii ngamtat luheaknate na zui heak vun a, hi bang khat pawpo vawtna taw na kininsak heak vun. Keima in Topa note ii Pathian ka hi hi,” ci hi.

Mi Simna 35:34

Na teenna ngam le lei ninsak heak vun, banghang ziam cile Keima in Topa ka hi a, Israel mite sungah ka teang hi,” ci hi.

1 Corinth te 3:17

Tua ahikom khat po in Pathian biakinn a susia le, Pathian in ama susia tu hi. Banghang ziam cile Pathian biakinn sia thiangtho a, note mama in ama biakinn na hi uh hi.

Thuhil kikna 12:31

Amate ii a pathiante a biakzia bangin Topa na Pathian bia heak vun, banghang ziam cile a pathiante a biak uh ciangin Topa ii ngaimawk, a kiihuai nate theampo vawt uh hi. Amate in a tate ngawngawn pia in a biaknataute tungah mei taw hallum uh hi.

Thuhil kikna 18:12

Hi bangin a kiihuai na a zangh mite Topa na Pathian in huatsa a, tua hu in mailam na manaw uh ciang tua ngamsung pan tuabang minamte hawlkeak tu hi.

Thuhil kikna 9:4

“Topa na Pathian in note atu in amate a nawkeak zawkciang, note ii kilawm manin hi ngam nga tu in hong paipui hi ci heak vun. Note ii kilawm man hi ngawl a, hi mite a siat hu in no atu in Topa in notkeak tu ahi hi.

Thuhil kikna 9:5

Na phatna le a maan na sepna uh hangin Topa in amate ngam hong lasak tu hi ngawl hi. Hi mite seksolna hang le na taanghpupite Abraham, Isaac le Jacob tungah a kamciam a taangtutsak nop manin Topa in amate notkeak tu hi.

Thukhente 20:10

Israel mi teng sung pan sawm ciang khat veu in ngalkaphonpi atu an sik tu a, a dang teng sia kuan in, hi paktat tatsiatna Israel ah hong vawt hu in Gibeah te daan ih pia tu hi.

Thukhente 20:5

Gibeah pasalte sia kei hong sim tu in zanin hong pai a inn hong kiim uum uh hi. Amate in kei hong thatlum nuam hi; ahihang kei taangin ka zino sia buanin thi hi.

Thukhente 20:6

Ama luang la in ka sem zawkciang Israel nam khat sim see khat tek ka thaak hi. Hi mite in ei sungah tatsiatna le paktat ngamtatna vawt hi.