Thiampite 17:7 - Syin Chin Bible

⁷ Israel mite in Topa tungah hong thumaan in, lo sung keal doaite biakna in sa ngo nawn ngawl tu hi. Israel mite in maisang hun theampo ah hi ngeina zui tu hi.

Thiampite 17:7 Iomraidhean Croise

2 Khangtaanghthu 11:15

Jeroboam in doai sepna munte ah a seam tu le doai te le khuitalno lim in a vawt milimte biakna ah naseam tu in ama aituam thiampite panmun pia hi.

Psalm Late 106:37

Amate in a tapate a tanute sia Canaan milimte tungah sangaw biakpiakna in nei uh hi.

Psalm Late 106:39

A ngamtatna uh taw amate le amate kininsak in Pathian tungah a thumaan bua uh hi.

Pusuana 22:19

“Nganhing khat taw a khialpa peuma kithatlum tu hi.

Pusuana 22:20

“Keima., Topa simngawl, pathian dang tungah sangaw biakpiakna a vawt peuma kithatlum tu hi.

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 32:8

A zui tu in ka thupiak lampi pan pial zo hi; khamh khuital vawtin bia uh a, sangaw biakpiakna pia zo uh hi. Amate in hisia Egypt pan a pusua pui amate ii pathian hi ci uh hi.

Pusuana 34:15

Tua ngammite taw thukimna khote bangma vawt heak vun, banghang ziam cile doai biate ii pathiante tungah sangaw biakpiakna a nei ciang, pathian biakpiakna an ne tu in hong sam tu a, note hong ze et tu hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Ezekiel 23:3

A khanmoi lai in Egypt ngam ah ngaknu thiangtho a hina bosua a, pumpi zuakte suak uh hi.

Ezekiel 23:8

Egypt ngam ah ngaknu thiangtho a hina bosua a, pumpi zuak khat in a kipat sia zom suak lai hi. A ngaknutno lai pan ma in, pate in luppui a, pumpi zuak khat bangma in a zak sa ahi hi.

Thiampite 17:8

Israel khat ahibuale a teen khoppui ngamdangmi khat pawpo in meihal biakpiakna ahizong a dang biakpiakna ahizong,

Thiampite 20:5

tua pa, a innkuan bup le Molech bia in ka tungah hong thumaan ngawl theampo ka nungngat tu hi. Amate ka mi in ka ngaisun nawn buatu hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

John 12:31

Tu hun sia hi leitung ii thukhen thuak tu hun ahi hi; tu in hi leitung a ukpa kisuanthal tu hi.

John 14:30

No taw hun sauzaw thuson thei nawn ngawl tu khi hi, banghang ziam cile hi leitung a ukpa hong pai hi. Ama in kei tungah bangma vaang hong nei bua hi,

1 Corinth te 10:20

Hi ngawl hi! Ka cinopna in doai biate ii biaknatau tungah sa ngawte sia doaite atu a kipia hi a, Pathian tungah a kipia hi ngawl hi. Tuaciang doaite taw na kipawlkhop tu ka dei bua hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Thuhil kikna 32:17

Amate in pathian tatak ahi ngawl pathiante, a taanghpupite ii a heak ngawl pathian thakte Israel te ii a thu a nit ngeingawl pathiante tungah sangaw biakpiakna vawt uh hi;

Thupualaakna 9:20

Hi ngimna liante ii thalup mong a taanglai mihingte in amate khut taw a vawttawm uh nate panin a kikheal kik nuam bua uh hi. Doai biakna tawp ngawlin, khamh, ngunn, taau, suang le thing milim khuamu thei ngawl, khuaza thei ngawl, lampai thei ngawlte a biak uh zongh a kheal bua uh hi.