Thiampite 17:15 - Syin Chin Bible

¹⁵ Israel te ahibuale ngamdangte khat pawpo in ama thu in a thi thawthong nganhing khat ahibuale ngamsa ii a mat khat ii sa a ne le, a puante sawp in kibual nanak tu a, biakna taw kisai in a thian mateng nitak dong ngak tu hi.

Thiampite 17:15 Iomraidhean Croise

Pusuana 22:30

Na khui le na tuu a no suakciilte hong pia tavun, Tua a suakciil a pa sia ni sali sung a pui taw omsak in a, a ni liat ni in kei hong pia tavun.

Pusuana 22:31

“Note sia keima mihing na hi uh ciang ngamsate ii matsa nganhing ii sa peuma ne ngawlin uite pia zaw vun.

Ezekiel 4:14

Ahihang ka zo kik a, “Vaanglianpipa Topa awng, hi ngawl hi, tuabang hong hisak heak in! Bangma hun in keima le keima kininsak ngeingawl khi hi. Ka no a kipan, ama thu in a thi thawthong nganhing sa ahibuale ngamsate thalup peuma ii sa ka ne ngei bua hi. A nin in a kingaisun an peuma ne ngawl khi hi,” ka ci hi.

Ezekiel 44:31

Ama thu in a thi thawthong vacim le nganhing ii sa ahibuale nganhing dang khat ii thalup sia ii sa thiampite in ne ngawl tu uh hi,” ci hi.

Thiampite 11:24

A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.

Thiampite 11:31

Hi nganhingte ahibuale a thiluangte a tham pawpo nitak dongin a thiang ngawl hi tu hi.

Thiampite 11:32

Hi sa a thite na khat pawpo tungah a taak le, a tukna tua vanhte a thiang ngawl hi tu hi. A kizakna taw kisai ngawlin thing, puan, savun, ip cite hisia in huam siat tu hi. Tuasia tui sungah dia tu a, ahizong nitak dongin a thiang ngawl hi tu hi.

Thiampite 11:39

A kine thei nganhing khat a thi le, tuasia a tham pawpo nitak dongin thiang ngawl tu hi.

Thiampite 11:40

Tua nganhing sate a ne a om le, a puan sawp hamtang tu a, ahizong nitak dongin a thiang ngawl hi lai tu hi; tua sathi luang a pua pawpo in a puan sawp hamtang tu hi, ahizong ama sia nitak dongin a thiang ngawl hi lai tu hi.

Thiampite 15:10

Hi sia pa tona a tham pawpo nitak dongin thiang ngawl hi. Hi sia pa tona a pua pawpo in ama puante sawp in, kibual nanak tu a, ahizong ama nitak dongin thiang ngawl veve hi.

Thiampite 15:21

Ama lupna ahizong a tona ahizong a tham pawpo in ama puante silthiang in kibual tu a, ahizong nitak dongin ama nin veve hi.

Thiampite 15:5

Tua pa lupna a tham pawpo,

Thiampite 22:8

Ama in, ama thu in a thi thawthong nganhing ii sa ahibuale ngamsa ii thalup sate ne ngawl tu hi; tua in ama ninsak tu hi. Keima in Topa ka hi hi.

Thiampite 7:24

Ama thu in a thi thawthong nganhing ahibuale ngamsa ii a mat nganhing sia ii thaute kine ngawl tu a, ahizong na dangin kizangh thei tu hi.

Mi Simna 19:19

Biakna taw kisai a thiang mihing khat in ni thum ni le ni sali ni in mihing a thiang ngawl pa sia tua tui the tu hi. Ni sali ni in ama in tua pa thiansua tu hi, tua pa sia a puan sawp a, ama le ama tui a kibuak zawkciang, nitum ciangin biakna taw kisai a thiang suak hi.

Mi Simna 19:21

Hi zui tu thu sia maisang hun theampo ah na zui tu ahi hi. Kithiansuana tui a the pa in zongh a puante sawp nanak tu hi; tua tui a tham peuma nitak dongin biakna taw kisai in thiang ngawl lai hi.

Mi Simna 19:8

Khui a halpa zongh a puante sawp in ama le ama tui kibuak hamtang tu a, ahizong ama zongh nitak dong thiang ngawl tu hi.

Thuhil kikna 14:21

“Ama thu in a thi thawthong nganhing sa ne heak vun. Note sungah a teang ngamdangmite in nesak thei tu nu hi, ahibuale ngamdangmite tungah zuak thei tu nu hi. Ahizong note sia Topa na Pathian neisa na hi uh a; ama mite na hi uh hi. “Tuuno sa ahibuale kealno sa sia a pui noaitui sungah huan heak vun.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.