Thiampite 17:14 - Syin Chin Bible

¹⁴ A nungta theampo ii nuntakna sia chi sungah om ahi hu in a sungah chi om lai sa pawpo a neak ngawl natu in, Israel mite tungah Topa in son zo a, a ne pawpo ama mi khat in kingaisun nawn ngawl tu hi.

Thiampite 17:14 Iomraidhean Croise

Pianciilna 9:4

Na neak ngawl tu khat sia chi om lai sa na ne bua het tu uh hi; banghang ziam cile nuntakna sia chi sungah om ahi hu in neak tu kong khaam hi.

Pusuana 30:33

Hi sathau taw a kibang a vawt khat po ahibuale thiampi ahi ngawl khat pawpo tungah a zangh sia keima mi in kisim nawn ngawl tu hi,’ ci in” ci hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Sawltakte 15:20

Tua hi ngawl zawin, amate tungah lai ih thaak tu a, milim biakna in a kizak hu in a thiangtho ngawl ante a neak ngawl natu; numei le pa khialna panin, a kikep natu; nganhing a tawl kimeaklumte sa a neak ngawl natu le sachi neak ngawl natu, lai thaakin ih son tu hi.

Thuhil kikna 12:23

A sungah chi om lai sate ne heak vun; banghang ziam cile chi sungah nuntakna om a, nuntakna sia sa taw nekhawm peuma heak vun.