Thiampite 17:11 - Syin Chin Bible

¹¹ A nungta theampo ii nuntakna sia chi sungah om hi, tua ahikom mihingte mawmai natu in chi theampo biaknatau tungah a kisun natu Topa thupiak ahi hi. Nuntakna a hi chisan in mawna teng lakeak hi.

Thiampite 17:11 Iomraidhean Croise

Pianciilna 9:4

Na neak ngawl tu khat sia chi om lai sa na ne bua het tu uh hi; banghang ziam cile nuntakna sia chi sungah om ahi hu in neak tu kong khaam hi.

Thiampite 1:5

Tualai ah ama in tua khuital ngo tu a, Aaron suan thiampite in khuital chi sia Topa tungah a piak zawkciang Puanbuk kongbiang ah a om biaknatau pangh li ah a chi the tu hi.

Thiampite 16:11

Aaron in ama le a innkuanpuite atu mawphel biakpiakna in khuital a piak ciang,

Thiampite 17:12

Tua ahi hu in, amate ahizong a teen khoppui ngamdangmite khat pawpo ahizong, a sungah chi om lai sa pawpo a neak ngawl natu in Topa in Israel mite tungah son zo hi.

Thiampite 17:14

A nungta theampo ii nuntakna sia chi sungah om ahi hu in a sungah chi om lai sa pawpo a neak ngawl natu in, Israel mite tungah Topa in son zo a, a ne pawpo ama mi khat in kingaisun nawn ngawl tu hi.

Thiampite 4:25

Thiampipa in a chi sungah a khutme pap tu a, biaknatau king a kidokna tengah noai in, a taanglai teng biaknatau bul ah sung tu hi.

Thiampite 4:26

Tua zawkciang ama in kipawlkhop biakpiakna in a kingo nganhing thaute kihal bangma in, biaknatau ah a thau teng hal tu hi. Ngam uk khat ii mawmai natu in hi bangin thiampipa in sangaw biakpiakna nei tu a, ngamukpa mawna kimaisak tu hi.

Thiampite 8:15

Tua biaknatau aap natu in Moses in tuasia ngo a, a khut taw a chi tawm la in biaknatau kingdokte noai hi. Tuaciang a taanglai chite biaknatau bul ah sung hi. Hi bangin ama in biaknatau aapin thiansua hi.

Matthew 20:28

Mihing Tapa in ngual na sawl tu in hong pai ngawl a, naseam tu le a nuntakna pia in, mihing tam mamate tan tu in hong pai hi,” ci hi.

Matthew 26:28

hi sia in ka chisan hi a, Pathian thuciamna a kipsak, mihing tam mamate mawna a kimaisak natu a bua ka chisan ahi hi.

Mark 14:24

“Hisia in mihing tam mamate atu a kibua ka chisan hi, Pathian thuciamna a kipsak ka chisan ahi hi.

Romete 3:25

Ama ii kipumpiak biakpiak natu in hong thina taw amate upna tungtawnin, mihingte mawna kimaisakna a pian natu in, Pathian in ama hong pia hi. Pathian in thutang ahi hunlam hong lak natu in, hi bangin a vawt hi. A bosa hun sungah ama a thin uai a, mihingte mawnate hong tha thong hi; ahihang tu in ama sia, thutang ahi hunlam a kilak natu in, mihingte mawna tungtaang ah na hong seam hi. Hi bangin Pathian in ama sia thutang ahi hunlam le Jesus Christ a um peuma thutang a suasakna thu hong lak hi.

Romete 5:9

Tua ahiciang, tu in ama chisan taw eite Pathian mai ah thutang ih suak hi; tua ahile Pathian thin uukna pan ama in bangza in eite hong ngum zaw kan lai tu ziam!

Ephesus te 1:7

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam,

Thuhil kikna 12:23

A sungah chi om lai sate ne heak vun; banghang ziam cile chi sungah nuntakna om a, nuntakna sia sa taw nekhawm peuma heak vun.

Colossae te 1:14

A chisan hangin eite ih suakta a, ih mawnate hong kimaisak zo hi.

Colossae te 1:20

Tuaciang Tapa tungtawnin Pathian in vaannuai buppi sia ama kung a thet kik thei natu in khensat hi. Thinglamtee tungah a kibua Tapa ii chisan tungtawnin Pathian in kilemna piangsak a, leitung vantung ah a om, na theampo ama kungah then kik siat hi.

Hebrew te 13:12

Hi thu hu in, Jesus zongh mihingte mawna pan a chisan taw a thiansua natu in, khuapi puasang ah thi hi.

Hebrew te 9:22

A tatakin, thukham ii ci bang hile na theampo phialma chisan in thiansua a, chisan a buak ciang bekin mawmaisakna om hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.

Thupualaakna 1:5

a thumaan tetti hi a, thina pan kithosak kik masa leitung kumpite theampo a ukpa Jesus Christ kung pan thuthiamna le thinnopna sia note aa hi tahen. Ama in ei hong it a, ama chisan hangin eite, mawna pan hong suatak hi,