Thiampite 17:10 - Syin Chin Bible

¹⁰ Israel te khat pawpo ahibuale a teen khoppui ngamdangmi khat pawpo in a sungah chi om lai sa a ne le, Topa in ama nungngat tu a, ama mi in sim nawn ngawl tu hi.

Thiampite 17:10 Iomraidhean Croise

Pianciilna 9:4

Na neak ngawl tu khat sia chi om lai sa na ne bua het tu uh hi; banghang ziam cile nuntakna sia chi sungah om ahi hu in neak tu kong khaam hi.

2 Samuel 23:17

tuaciang, “Topa awng, hi tui ka ne thei ngei buatu hi! A nuntakna a khaam mite ii chi a ne taw ka kibang tu hi,” ci hi. Tua ahikom ama in tui a neak tu nial hi. Ngalkap minthang thumte ii ngalhan nasepnate tuabang ahi hi.

Psalm Late 34:16

ahihang siatna a vawtte sia ama in langpan a, tua in amate a thi uh ciangin a kimakngil pal natu ahi hi.

Pusuana 30:33

Hi sathau taw a kibang a vawt khat po ahibuale thiampi ahi ngawl khat pawpo tungah a zangh sia keima mi in kisim nawn ngawl tu hi,’ ci in” ci hi.

Jeremiah 21:10

Hi khuapi sia khe tuan ngawlin suksiat tu in ka thin ka khensat zo hi. Babylon kumpipa khut sungah kipia tu a, ama in mei taw haltum tu hi. Keima, Topa in ka ci zo hi.”

Jeremiah 44:11

“Tua ahikom, Vaanglianbelpa Topa Israel ii Pathian keima in, note kong langpan tu a Judah ngam theampo ka susia tu hi.

Ezekiel 14:8

Ama ka nalh tu hi. Ama sia ettee tu khatin ka koi tu hi. Ama sia Kei, Topa ka hi hunlam nong heak natu in ka mite huamsung panin ka heam tu hi.

Ezekiel 15:7

daan ka pia tu hi. Amate meikuang khat panin suakta zo hi, ahihang tu in mei in kaanghtum tu hi. Amate daan ka piak ciangin Keima sia Topa ka hi hunlam nong tel tu uh hi.

Ezekiel 33:25

“Keima, Vaanglianpipa Topa ii ci teng amate son in: A chi thai ngawl lai sa na ne uh hi. Milimte na bia uh hi. Mihing na that uh hi. Hi leitang sia koma neisa hi ci in, bang in hong ngaisunsak ziam?

Ezekiel 44:7

Keima sangaw biakpiakna ii a thau le a chi hong kipiak ciangin amate in ka thu a ni ngawl, vunteap at ngawl ngamdangmite sia Biakinnpi sungah a tumsak hu in ka Biakinnpi ninsak uh hi. Tua ahikom a kiihuai a ngamtatnate taw ka mite in ka thuciamna paltan uh hi.

Thiampite 17:11

A nungta theampo ii nuntakna sia chi sungah om hi, tua ahikom mihingte mawmai natu in chi theampo biaknatau tungah a kisun natu Topa thupiak ahi hi. Nuntakna a hi chisan in mawna teng lakeak hi.

Thiampite 19:26

“Chisan a om lai sa ne heak vun. Mitbum aisaanna tuatuamte zangh heak vun.

Thiampite 26:17

Ngal na lel natu in kong nungngat tu a, hong ngaimaw te in hong uk tu hi; na patau mama tu uh a, hong del om ngawl napi na tatai tu uh hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Amos 9:4

A ngalte in manin luangtasak kale amate a thalup natu thu ka pia tu hi. Amate ka suksiat tu le ka hu ngawl tu sia khensat zo khi hi,” ci hi.

Sawltakte 15:20

Tua hi ngawl zawin, amate tungah lai ih thaak tu a, milim biakna in a kizak hu in a thiangtho ngawl ante a neak ngawl natu; numei le pa khialna panin, a kikep natu; nganhing a tawl kimeaklumte sa a neak ngawl natu le sachi neak ngawl natu, lai thaakin ih son tu hi.

Sawltakte 15:29

milim biakna ah a kipiasa an peuma na ne heak vun; sachi na ne heak vun; a tawl a kimeaklum nganhingte sa na ne heak vun. Numei le pa khialna panin, na kikeam tavun. Hi teng na tang zo po le uhte pha tu hi. Dam tek tawng.” ci in at uh hi.

Thuhil kikna 12:16

Ahizong a chi na ne bua het tu uh a; tuasia lei ah tui sun bangin na sung tu uh hi.

Thuhil kikna 12:23

A sungah chi om lai sate ne heak vun; banghang ziam cile chi sungah nuntakna om a, nuntakna sia sa taw nekhawm peuma heak vun.

Thuhil kikna 15:23

Ahizong a chi ne heak vun; tui sun bangin lei ah sung zaw vun.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

1 Samuel 14:32

tua ahikom amate in ngalte khut sung pan a matte la tu in del uh hi, tuu le kealte la in tua munah ngo paih in, a chi thai ngawlin a sa ne uh hi.

1 Samuel 14:33

Saul munah hi thu kikhia a, “En in, mipite in sa le a chi ne khawmin Topa tungah mawna vawt hi,” ci uh hi. Saul au in, “No sia pawl zuakte nu hi! Suangtum lian khat hi sung keima kungah hong liik tavun,” ci hi.