Thiampite 16:4 - Syin Chin Bible

⁴ Tuaciang Topa in a nuai a zui tu ngeinate pia hi. Aaron, Thiangtho Bel Mun ah a pai ma in kibual nanak tu a, thiampi puante: puanneal puantual silhin, ngoaipuan tom teang tu a, kawngkhau sawm in dial khim tu hi.

Thiampite 16:4 Iomraidhean Croise

Pusuana 28:2

Na suapuipa Aaron sia a vaang nei natu le a et hoi natu in thiampi puante vawtsak in.

Pusuana 29:4

“Aaron le a tapate kong ompuina Puanbuk tumna kongbiang ah hong paipui in, amate a zeksa kibualna neisak in.

Pusuana 30:20

amate puanbuk sung ahibuale biaknatau nai ah biakpiakna ante pia tu in a pai ma in kisil tu hi. Tuasia ciang amate kithatlum ngawl tu hi.

Pusuana 40:12

“Aaron le a tapate puanbuk kongbiang ah paipui in a, a zeksa kibualna neisak in.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Ezekiel 44:19

Mihonpite omna suum puanung ah a pai ma in, amate in Biakinnpi sung a nasepna ah a silh puante sut tu a, a thiangtho inndoite sungah nusiat kul tu hi. A thiangtho biakpiakna puante ii mite ngim a piak ngawl natu in amate in puan dang silh tu uh hi.

Ezekiel 9:2

Thakhatin pasal luk sia Biakinnpi ii saksang kongpi puanung pan hong pai a ngalhiam khat tek toai uh hi. Amate taw lai at natu khat toai a, puanneal a silh pasal khat om hi. Amate a vekpi hong pai in, taau biaknatau hui ah ding uh hi.

Thiampite 16:23

Tuaciang Puanbuk sungah Aaron tum tu a, Thiangtho Bel Mun sung a tum ma in a silh thiampi puan teng suutin tua munah nusia tu hi.

Thiampite 16:24

Ama in mun thiangtho ah kibual tu a, ama puante silh tu hi. Tua zawkciang pusuak in ama mawna le mite mawna teng a mai natu in meihal biakpiakna pia tu hi.

Thiampite 16:32

A pa za a laih tu in thupha piak kipsakna a vawtsak sa le a ki aap sa, Thiampi Lianbelpa in a zeksa thiansuana vawt tu hi. Ama in thiampi puante silh tu a,

Thiampite 6:10

Tuaciang thiampipa in puanneal ngoaipuan tom le puanneal puantual sil a, biaknatau ah vut teng luakin, biaknatau pangh ah sung tu hi.

Thiampite 6:3

a bo vanh khat mu napi leilot a mu bong ci in a kiciam ahile zong, Topa tungah maw ahikom biakpiakna khat a vawt kul hi.

Luke 1:35

Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi.

Philippi te 2:7

Tua hi ngawlzaw in, ama uuk thu in a nei theampo nusia in naseampa pianzia la hi. Ama in mihing taw kibangin piang a, mihing bangin kilangh hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.