Thiampite 16:34 - Syin Chin Bible

³⁴ Hi ngeinate maisang hun theampo ah zui tu ahi hi. Israel mite mawna theampo thiansua natu in hi zeksa ngeina sia kum khat in khatvei kivawt hamtang tu hi. Tuabangin Moses in Topa thupiak bangin seam hi.

Thiampite 16:34 Iomraidhean Croise

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 30:10

Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Pusuana 39:43

Moses in a nasepna teng sit siat a, Topa thupiak bangin a sep siatna thu mu hi. Tua ahiciang Moses in amate thupha pia hi.

Thiampite 16:2

Ama in, “Thiangtho Bel Mun sung puankhai ii nungah a hun lian ciang a tum natu in na suapuipa Aaron son in, banghang ziam cile tua mun sia Thuciamna Thingkuang sitna tung meei sungah ka kilaakna mun ahi hi. Tua thu a ni buale ama kithatlum tu hi.

Thiampite 17:1

Topa in Moses tungah Aaron le a tapate,

Thiampite 23:28

Tua ni in naseam heak vun, banghang ziam cile tua ni sia mawna a mai natu a zeksa sep ni ahi hi.

Thiampite 23:31

Koisung po ah a teang zong hi ngeina sia na suan na paalte theampo atu ahi hi.

Thiampite 24:23

Hi thu Moses in Israel mite tungah a son zawkciang, tua pa ngiaphual pua sangah paipui in suang taw deanglum uh hi. Topa ii Moses tungah a thupiak bangin Israel mite in vawt uh hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Mi Simna 29:7

Tha salina a ni sawm ni in biak kikhopna nei vun; an ne heak vun a, naseam heak vun.

Hebrew te 10:14

Tua ahiciang ama in khatvei a kipumpiakna taw mawna pan a kithiansuate, a tawntung atu in a cialcing suaksak hi.

Hebrew te 10:3

Ahihang kum khat zawkciang kum khat sangaw biakpiaknate in, mihingte mawna phawksak kik tu hi.

Hebrew te 9:25

Jew te Thiampi Lianbelpa in Thiangthobel Mun ah kum simin nganno chi taw tum hi. Ahihang Christ in ama le ama a kipia kikik bua hi,

Hebrew te 9:7

ahihang a sungnung doituam sungah, Thiampi Lianbelpa bek kum khatin khatvei tum hi. Ama ii mawna le a mihingte ii a phaw thaak ngawl mawnate atu in, chisan la in, Pathian bia hi.