Thiampite 16:29 - Syin Chin Bible

²⁹ A nuai a ngeinate maisang hun theampo ah zui tu ahi hi. A tha salina, ni sawm ni in Israel te le a teen khoppui ngamdangmite in an tang tu a, na seam ngawl het tu hi.

Thiampite 16:29 Iomraidhean Croise

1 Kumpite 8:2

Amate teng in Ethanim tha, a tha sali tha Buk Poai hun sungin kikhawmtua uh hi.

Ezra 3:1

A tha sali tha in Israel mite a khua tek ah teang siat hi. Tua zawkciang amate a vekpi in Jerusalem ah kikhawm uh a,

Ezra 8:21

A kitotawm Ahava Tuiluam hui ah ka vekpi uh in antang in kote ii Pathian mai ah kiniamkhiak a, ka khualhawna uh ah hong lampui in, koma, ka tate uh le ka neisa theampo taw hong kep natu ama tungah hesuak ngen tu in ka sawl hi.

Psalm Late 35:13

Ahihang amate a ciinat uh ciangin khau-ip puan silhin ka heena taw an ka tang a,

Psalm Late 69:10

An tanna taw keima le keima kiniamkhiak in ka om ciang, mihingte in hong phunsan hi;

Pusuana 12:16

Ni masa ni le ni sali ni in biak kikhopna nei tu nu hi. Tua ni nii sung, na na seam buatu uh a, ahizong an neak tu vawt thei nu hi.

Pusuana 20:10

ahizong a ni sali ni sia keima atu a kikoituam tawlngak ni ahi hi. Tua ni in kuama — nangma, na tate, na silate, na ngannote le na ngam sungah hong teang ngamdangmite khat zongh in naseam ngawl tu uh hi.

Pusuana 30:10

Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Pusuana 31:14

Tawlngakna ni sia na tan kul tu hi, banghang ziam cile tua ni sia thiangtho hi. Khat po in tua ni tang ngawlin na a seam le, kithatlum tu hi.

Pusuana 31:15

Ni luk sung nasep tu hun na nei uh a, ahizong ni sali ni sia a ciliap huai tawlngak ni, keima atu in a kikoituam ni ahi hi. Khat po in tua ni in na a seam le, kithatlum tu hi.

Isaiah 58:13

Topa in, “Sabbath sia thiangthosakin tua ni in noma meet natu bek zong ngawlin; ka ni thiangtho ni sia man neisakin, khualhaw ngawl, naseam ngawl ahibuale tua ni in kam mannung ngawl pau ngawlin na omna taw zatakna na pia uh le,

Isaiah 58:3

Mite in, “Topa in hong phawk ngeingawl ahile eite in banghangin an tang tu hi ziam? Ama in hong awlmawk ngawl ahile banghangin eite in an ne ngawlin om tu hi ziam?” ci in dongh uh hi. Topa in amate tungah, “A maan tak ci leang an na tan kawmin noma aituam phattuam natu te na del uh a, na naseamte na zawthawk vawt uh hi.

Isaiah 58:5

An na tan ciang noma le noma ngim kipia na hi uh hi; lopate bangin na lu na kunsuk uh a, na lup natu in khau-ip puan le vutte na pha uh hi. Tua sia an tang na ci uh sia ahi ziam? Tuasia taw lungkim tu in nong um uh ziam?

Daniel 10:12

Tua zawkciang vantunglalang in, “Daniel awng, lau heak in. Telthiamna na nei natu in nangma mama kiniamkhiak tu in, na khensat ni masabel ni pan kipan Pathian in na thunget nate hong za zo hi. Na thungetna a zo tu in kong pai hi.

Daniel 10:3

Nipi thum a cin mateng in keima in anlim ahizong sa ahizong sapittui ahizong ka ne bua a, ka sam zongh ka pot bua hi.

Thiampite 23:21

Tua ni in kuama in noma ii ni sim nasep bangma seam heak vun, ahizong biak kikhopna nei vun. Koisung po ah na teang uh zong na suan na paalte in hi ngeina sia maisang hun theampo ah zui tu uh hi.

Thiampite 23:3

Note in na nasep natu in ni luk sung nei nu hi, ahizong ni sali ni, Sabbath sia tawlngakna ni ahi phawk vun. Tua ni in naseam heak vun, ahizong biakpiakna vawt tu in kikhawm vun. Koisung po na teang uh zong Sabbath sia Topa neisa ahi hi.

Thiampite 23:36

Ni sali sung ni simin an taw biakpiakna na vawt tu uh hi. A ni liat ni in a bia tu le an taw biakpiakna pia tu in na kikhawm kik tu uh hi. Tua ni sia biak kikhop ni hi a, kuama naseam ngawl tu nu hi.

Thiampite 25:9

Tua zawk tha salina, ni sawm ni, Mawsuutna Ni in ngamsung tengah lemle tum tu in mi khat na paisak tu hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Mi Simna 29:7

Tha salina a ni sawm ni in biak kikhopna nei vun; an ne heak vun a, naseam heak vun.

Sawltakte 27:9

Tua munah ni tam mama taam ka hi uh kom, tu in Mawsuutna Ni zongh kan zo a, tui lam taw khualhaw tu sia lauhuai hi. Tua hikom, Paul in amate sia hi ngaisutna pia hi.

1 Corinth te 11:31

Eima le eima kisittel phot in hi leang, Pathian thukhenna sungah ih theng buatu hi.

Hebrew te 4:10

Banghang ziam cile tua Pathian kamciam a piak tawlngak nuam sungah a tawlnga peuma in, Pathian tawlngak bangma in, amate nasepna pan a tawlnga tu uh hi.

1 Samuel 7:6

Tua ahikom amate theampo Mizpah ah kikhawm uh hi. Amate in tui tawm toai a, Topa biakpiakna in tua tui sung in, tua ni bup an tang uh hi. Amate in, “Topa tungah maw zo khu hi,” ci uh hi. (Israel mite sungah kamtam kinialnate Samuel ii a khensakna mun sia Mizpah ahi hi.)