Thiampite 16:24 - Syin Chin Bible

²⁴ Ama in mun thiangtho ah kibual tu a, ama puante silh tu hi. Tua zawkciang pusuak in ama mawna le mite mawna teng a mai natu in meihal biakpiakna pia tu hi.

Thiampite 16:24 Iomraidhean Croise

Pusuana 28:40

“Aaron tapate ii vaang nei natu le et hoi natu in, laktong, kawngsawmna le lukhu vawt in.

Pusuana 28:41

Hi puante na suapuipa Aaron le a tapate silhsak in. Tuaciang amate in ka na a seam thei thiampite ahi natu in thupha piak kipsakna le aapna in olive thau taw zut in.

Ezekiel 42:14

Thiampite in Biakinnpi sung a tum zawkciang le a suum puanung ah a pai nop ciang, hi inndoite sungah Topa atu na a sep laitak, a silh puan thiangthote a nusiat kul hi. Ama te sia mipite kikhop na ah a pai ma in puan dang a sil uh kul tu hi”.

Thiampite 14:9

Ni sali ni in ama in a sam, a khamul, a mitmul le a taanglai a pum tung mul teng theampo meet kik siat tu a; a puante silthiang in kibual tu a, tuaciang ama biakna taw kisai in a thiang hi tu hi.

Thiampite 16:25

Ama in mawphel biakpiak natu in nganthau sia biaknatau tungah hal tu hi.

Thiampite 22:6

Thiampi khat pawpo a thiang buale nitak dongin a nin hi tu a, a kibual mateng a thiangtho biakpiakna ante ne thei ngawl tu hi.

Thiampite 9:7

Tua ahiciang ama in Aaron tungah, “Biaknatau ah pai in na mawnate le na mite mawnate a mai natu in, mawphel biakpiakna le meihal biakpiakna pia in. Topa thupiak bangin, mite mawnate a mai natu in hi biakpiakna pia in” ci hi.

Hebrew te 9:10

banghang ziam cile tuate in anneak, tuidawn le kithiansuana tuatuamte taw kisai bek hi. Hite sia a puatham zui tu ngeinate hi a, Pathian ngeina thak a piak sia a kipsak mateng atu hi bek hi.