Thiampite 16:22 - Syin Chin Bible

²² Tua keal in kuama teen ngawlna ngam sungah amate mawna theampo pua in paipui tu hi.

Thiampite 16:22 Iomraidhean Croise

Psalm Late 103:10

Ama in eite taw a kiphu bangin daan hong pia ngawl a, ih mawnate le ih tat khialnate bangin hong thuk ngawl hi.

Psalm Late 103:12

Nisuana sia nitumna pan a kikhualat za in ih mawnate sia eite sung pan tuabangza ma kikhuala in hong khiinsak hi.

Ezekiel 18:22

A mawna theampo kimaisak tu a, ama nungta tu hi, banghang ziam cile ama in a maan in ngamta hi.

Ezekiel 4:4

“Tua zawkciang, na siiklam veisang delpha in lum in, tuaciangin Israel minam ii mawna sia nang tungah kong koi tu hi. Ni 390 sung tua munah na om tu a, amate mawna hu in na thuak tu hi. Amate daan thuak tu, kum khat ai atu in, ni khat veu daan kong pia tu hi.

Thiampite 14:7

Ama in vun natna vei a kithiansua tu pa ii tungah salivei a chi the tu a, tua zawkciang ama thiang hi ci in thiampipa in thangsak tu hi. A nungta vacim sia dui sungah leangsak tu hi.

Thiampite 16:21

Ama in tua keal lu tungah a khutte nii nga tu a, Israel mite siatna, mawna le leedona teng theampo pualaak in, tuabangin keal lu tungah suan siat tu hi. Tua zawkciang tua keal sia tuabang a seam tu, a kisep pa in sennealngam sungah beng tu hi.

Thiampite 16:23

Tuaciang Puanbuk sungah Aaron tum tu a, Thiangtho Bel Mun sung a tum ma in a silh thiampi puan teng suutin tua munah nusia tu hi.

Micah 7:19

Nangma in kote khatvei ma nong hesuak kik tu hi. Kote ii mawna khialnate na peang nuai ah na siikcip tu a, tuipi taw ah na khiasuk tu hi!

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.