Thiampite 16:21 - Syin Chin Bible

²¹ Ama in tua keal lu tungah a khutte nii nga tu a, Israel mite siatna, mawna le leedona teng theampo pualaak in, tuabangin keal lu tungah suan siat tu hi. Tua zawkciang tua keal sia tuabang a seam tu, a kisep pa in sennealngam sungah beng tu hi.

Thiampite 16:21 Iomraidhean Croise

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Psalm Late 32:5

Tuasia ciangin nang tungah ka mawnate kong pualaak a, ka tatkhialnate ka seal bua hi. Tuate nang tungah pualaak tu in ka khensat hi, tuaciang nangma in ka mawnate theampo nong maisak hi.

Psalm Late 51:3

Ka tatkhialnate ka he a, ka mawnate ka phawk tawntung hi.

Pusuana 29:10

“Ka omna Puanbuk mai ah khuital hong paipui ta'n a, khuital lu tungah a khut a ngak natu in Aaron le a tapate son in.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Isaiah 53:6

Eite ih vekpi in a mangthang tuute taw ih kibang a, eima uukna san tek ah ih pai hi. Ahihang eite theampo ii thuak tu a kilawm daan thuakna sia ama ii tungah Topa in suan hi.

Thiampite 1:4

Ama in khuital lu tungah a khut nga tu a, tuasia ama mawphel natu biakpiakna in kisaang tu hi.

Thiampite 16:20

Aaron in Thiangtho Bel Mun le Topa ompuina Puanbuk sung mundang teng le biaknatau atu in a zeksa thiansuana a vawt zawkciang, Azazel atu in a kiteal keal nungta lai sia Topa tungah pia tu hi.

Thiampite 16:22

Tua keal in kuama teen ngawlna ngam sungah amate mawna theampo pua in paipui tu hi.

Thiampite 26:40

“Ahizong na suan na paalte in amate mawnate le hong nalh a hong leedo hu in amate mawnate le a taanghpupite mawnate pualaak tu uh hi,

Thiampite 5:5

Mihing khat in a khial ciang a khialna pualaak nanak tu a,

Romete 10:10

Banghang ziam cile ih thinsung pan ih up ciangin thutang ih suak a, ih kam taw ih pualaak ciangin hong kingum hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.