Thiampite 16:2 - Syin Chin Bible

² Ama in, “Thiangtho Bel Mun sung puankhai ii nungah a hun lian ciang a tum natu in na suapuipa Aaron son in, banghang ziam cile tua mun sia Thuciamna Thingkuang sitna tung meei sungah ka kilaakna mun ahi hi. Tua thu a ni buale ama kithatlum tu hi.

Thiampite 16:2 Iomraidhean Croise

1 Kumpite 6:16

A sung sang inndoi khat, Thiangtho belh Mun a kici sia Biakinnpi ii nungsangah kisa hi. Tua sia metre 9 sau in, cedar thingpheak a kilhkhopte taw kidoi a, suat tung panin innciingdap dong phato hi.

1 Kumpite 8:6

Tua zawkciang thiampite in Thuciamna Thingkuang sia Biakinnpi sungah hong tum pui in, cherub te ii nuai Thiangthobel Mun sungah koi uh hi.

Pusuana 30:10

Mawphelna in a kipia nganhing chi, tua biaknatau dok lite tung a noina taw Aaron in kum khatin khatvei a zeksa biaknatau thiansuana vawt tu hi. Hi biakpiakna sia hong pai tu hun theampo kum simin kivawt tu hi. Keima Topa tungah hong ki aap hi biaknatau sia thiangtho sitset tu hi,” ci hi.

Thiampite 16:13

Tualai Topa ompuina munah ama in ngimnamtui sia mei tungah koi tu a, a khu in Thuciamna Thingkuang sitna sia seal tu hi, tua hile ama in tuasia mu ngawl tu a, thi ngawl tu hi.

Thiampite 16:34

Hi ngeinate maisang hun theampo ah zui tu ahi hi. Israel mite mawna theampo thiansua natu in hi zeksa ngeina sia kum khat in khatvei kivawt hamtang tu hi. Tuabangin Moses in Topa thupiak bangin seam hi.

Thiampite 8:35

Topa thupiak bangin seamin, sun taw zan taw ni sali sung Puanbuk kongbiang ah om hamtang tu nu hi. Na om bua uh le thi tu nu hi. Hi thu in kei tungah Topa hong thupiak ahi hi,” ci hi.

Mi Simna 17:10

Topa in Moses tungah, “Thuciamna Thingkuang mai ah Aaron ciangkhut koi kik in. Hi ciangkhut sia, a leedo nuam Israel te ii phunna a tawp buale amate thi tu a hisia a kidop natu in kepcing tu ahi hi,” ci hi.

Mi Simna 18:7

Ahizong nangma le na tapate bek in biaknatau le Thiangthobel Mun ah a om sia taw kisai thiampi nasep teng theampo khuangkhim tu nu hi. Nang, thiampi za letsong in hong pia zo ka hikom hi teng nangma ii vaipuak tu ahi hi. Hi nasepte seam tu a kiphu ngawl khat pawpo hong pai in, vanh thiangthote a neak le kithisak tu hi,” ci hi.

Mi Simna 4:19

hi biakna taw kisai a thiangthobel nate nai ah a paina hu in thalup thuaksak heak in. Hisia a pian ngawl natu in Aaron le a tapate a sungah tumin, mi simin a sep tu te pia in, a vawt tu te son tu uh hi.

Mi Simna 4:5

Topa in a nuai a bangin thuhilnate Moses tungah pia hi. Ngiaphual na phel tu uh hun a tun ciang Aaron le a tapate Puanbuk sungah tum tu a, Thuciamna Thingkuang mai ah a om puankhai la in tuasia taw tua Thingkuang siin tu uh hi.

Matthew 27:51

Tuaciangin Biakinn sungah kidalna puan a kikhai sia a lu pan a taw dong khen nii in kizensuk hi. Zinliing a suangpite kikhentham in,

Hebrew te 6:19

Hi lametna sia ih nuntakna atu in, thikkip bangin, ih nei hi. Tuasia in, maanin, muanhuai a, vantung biakinn a kidalna puankhai sia kaantanin mun thiangtho sungnung ah pai hi.

Hebrew te 9:25

Jew te Thiampi Lianbelpa in Thiangthobel Mun ah kum simin nganno chi taw tum hi. Ahihang Christ in ama le ama a kipia kikik bua hi,

Hebrew te 9:3

Kidalna puankhak a niina sia ii nungsangah Thiangthobel Mun a kici puanbuk khat om hi.

Hebrew te 9:5

Tuate tungah Pathian ompuina lim a lak, cherub te om a, maw kimaisakna mun ii tung pan a tha taw siin uh hi. Ahihang tu laitak sia tua nate theampo a vaikhua in son tu hun ahi bua hi.

Thupualaakna 15:8

Biakinn sia Pathian minthanna le vaangletna meikhu taw kidim hi, tuaciangin vantunglalang salite ii hong paipui uh ngimna lian nam salite a ven dongin kuama in biakinn sungah a tum thei bua uh hi.