Thiampite 15:31 - Syin Chin Bible

³¹ Ngiaphual laizang ah a om Topa ompuina Puanbuk a nitsak ngawl natu in Israel mite tungah a thiantho ngawlna taw kisai in, a kidopna tu thu a son tu in Topa in Moses thupia hi. A ninsak ahile amate kithatlum tu hi.

Thiampite 15:31 Iomraidhean Croise

Psalm Late 66:18

Ka mawnate awlmawk ngawl hi leng Topa in kei hong nangai ngawl tu hi.

Ezekiel 23:38

Tua teng bek vawt ngawl hi. Ka Biakinnpi ninsakin, ka piansak sa Sabbath sia paltan uh hi.

Ezekiel 36:17

Ama in, “A thithei mihing awng, Israel te a ngam sungah a teen lai in, a nuntakzia le a ngamtatna taw a ngam ninsak uh hi. Amate ngamtat luheak sia numei khat tha simin a nin nei hun sung bangin biakna taw kisai a thiangtho ngawlin ka ngaisun hi.

Ezekiel 44:23

“Thiampite in ka mite tungah biakna taw kisai a thiangtho le a thiangtho ngawlte kilamdanna le a zeksa ngeina thiangtho le a thiangtho ngawlte hil tu hi.

Ezekiel 5:11

“Tua ahikom keima in a nungta Pathian ka hi bangma in — hisia in Vaanglianpipa Topa ii kammal hi — nangma in ka Biakinnpi sia, a sia le a kiihuai ngamtatnate theampo taw ninsak na hikomin, hong hesuak ngawlin kong saatvawk tu hi.

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Thiampite 11:47

Note in biakna taw kisai a thiang le a thiang ngawl, neak thei le neak thei ngawl nganhingte na khentel thei tu na kidop uh kul hi.

Thiampite 13:59

Hisia in samul ahibuale puanneal ahibuale samul puan, savun taw kivawt na khat pawpo tungah a om a pawlte taw kisai zui tu thukham ahi hi; hisia in biakna taw kisai a thiang le a thiang ngawl khensatna daan ahi hi.

Thiampite 15:32

Hiteng sia, a zang pan naai a pusuak pa khat ahibuale a bawtui a luang pa khat,

Thiampite 19:30

Sabbath tang vun a, keima nong biakna mun zakta vun. Keima in Topa ka hi hi.

Thiampite 20:3

Mihing khat pawpo a tate khat Molech tungah pia in, ka Puanbuk thiangtho ninsak a, ka min thiangtho a daisak le ka nungngat tu a, ka mi khat in ka ngaisun nawn buatu hi.

Thiampite 21:23

ahizong ama pumpi sitbaang ahikom a thiangtho puankhai kungah pai ngawl tu a, ahibuale biaknatau neak ngawl tu hi. Ama in hi a thiangtho nate ninsak ngawl het tu hi, banghang ziam cile Keima in Topa ka hi a, amate ka thiangthosak hi,” ci hi.

Mi Simna 19:13

Mithi luang tham a, ama le ama a kithiansua ngawl pawpo sia a nin ahi hi, banghang ziam cile kithiansuana tui ama tungah kibuak ngawl hi. Ama in Topa Puanbuk ninsak ahikom Topa ii mi khat in kingaisun nawn ngawl tu hi.

Mi Simna 19:20

Mihing khat pawpo biakna taw kisai thiang ngawlin, ama le ama a kithiansua buale thiang ngawl veve hi, banghang ziam cile kithiansuana tui ama kibuak ngawl lai hi. Ama in Topa ii Puanbuk ninsak a, Pathian ii mi khat in kingaisun nawn ngawl tu hi.

Mi Simna 5:3

Amate sungah ka teenna hi ngiaphual, a nitsak ngawl natu in biakna taw kisai a thiang ngawl hi mihingte theampo hawlkhia in,” ci hi.

1 Corinth te 3:17

Tua ahikom khat po in Pathian biakinn a susia le, Pathian in ama susia tu hi. Banghang ziam cile Pathian biakinn sia thiangtho a, note mama in ama biakinn na hi uh hi.

Thuhil kikna 24:8

“A lauhuai mama vun natna na vei uh ciang, Levi thiampite ii hong son bang linlian in vawt vun; amate tungah ka thupiakte zui vun.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Jude 1:4

Pathian a nei ngawl mihing pawlkhatte ei sungah hong tum ku ahikom, amate ii pheangtatnate a kam zonna in, Pathian ii thuthiamna thute ahi ngawl lamin zeak a, eima bek ii To le Topa ahi Jesus Christ sia nial uh hi. Ngeitawng lai in Laithiangtho in amate puavawkna a thuakna thute sonkhol zo hi.

1 Samuel 3:14

Tua ahikom Eli ii bangkua tungah sangaw biakpiakna ahizong, piakkhiatna ahizong bangma in, hi a lipkhaphuai mama mawna taw a kizui a piang tu te pengsak zo ngawl tu hi ci in ciliap huai takin ka taangko hi.