Thiampite 15:27 - Syin Chin Bible

²⁷ Tuate a tham pawpo nin a, a puante sawp in kibual nanak tu a; ahizong ama nitak dongin thiang ngawl veve hi.

Thiampite 15:27 Iomraidhean Croise

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Ezekiel 36:29

Hong ninsak nate theampo pan kong hun tu hi. No tungah kialpite hong tun nawn ngawl natu in an tam mama a pian natu thupia tu khi hi.

Thiampite 11:24

A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.

Thiampite 15:13

Tua naai a neipa a dam zawkciang ni sali sung ngak tu a, tuaciang a puante sawp in cik tuithiang sungah kibual nanak tu a, tuaciang ama biakna taw kisai in thiang tu hi.

Thiampite 15:21

Ama lupna ahizong a tona ahizong a tham pawpo in ama puante silthiang in kibual tu a, ahizong nitak dongin ama nin veve hi.

Thiampite 15:26

A nin nei hun sungin a lupna le a tona pawpo sia nin hi.

Thiampite 15:28

A chi luan a kan zawkciang ama in ni sali ngak tu a, tuaciang ama biakna taw kisai in thiang tu hi.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Mi Simna 19:22

A thiang ngawl mi khat ii a tham na khat pawpo sia thiang ngawl a, tua na a tham peuma nitak dongin thiang ngawl lai hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.