Thiampite 15:21 - Syin Chin Bible

^21-23 Ama lupna ahizong a tona ahizong a tham pawpo in ama puante silthiang in kibual tu a, ahizong nitak dongin ama nin veve hi.

Thiampite 15:21 Iomraidhean Croise

Isaiah 22:14

Vaanglianpipa Topa, Vaanglianbelpa ama mama in kei hong paupui a, “Amate a nuntak lai teng a siatna kimaisak ngeingawl tu hi. Keima, Vaanglianpipa Topa Vaanglianbelpa ka pau zo hi,” hong ci hi.

Thiampite 11:24

A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.

Thiampite 15:20

Tua numei ii a nin nei sung a tona ahibuale a lupna sia thiang ngawl hi.

Mi Simna 19:22

A thiang ngawl mi khat ii a tham na khat pawpo sia thiang ngawl a, tua na a tham peuma nitak dongin thiang ngawl lai hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Hebrew te 9:26

tuabang hi thong le, simlei a kibitphua pan kipan tamveipi na thuak zo tu hi. Tu in hunkhen theampo a tawp natu hong nai ciangin, ama le ama a kipiakna taw mawna kithiansua natu in, ama in a tawntung atu, khatvei lian hong kilaak zo hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.