Thiampite 15:14 - Syin Chin Bible

¹⁴ A ni liat ni in ama in inn vakhu nii ahibuale ngam vakhu nii Topa ompuina Puanbuk kongbiang ah paipui in thiampipa pia tu hi.

Thiampite 15:14 Iomraidhean Croise

Thiampite 1:14

Mi khat in vacim khat taw meihal biakpiakna a pia le, ngam vakhu khat ahi buale, inn vakhu khat hi tu hi.

Thiampite 12:6

Tapa ahizong tanu ahizong nei in a thiansua na hun a cin zawkciang, ama in Topa ompuina Puanbuk kongbiang ah a om thiampipa tungah meihal biakpiak natu in kum khat a pha tuuno khat le mawphel biakpiak natu in inn vakhu ahibuale ngam vakhu khat paipui tu hi.

Thiampite 12:8

Numeinu in tuuno khat a nei zo bua ahile inn vakhu nii ahibuale ngam vakhu nii, meihal biakpiak natu in khat, mawphel biakpiak natu in a dang khat paipui tu a, tuaciang thiampipa in tua nu a thiantho ngawlna pan a thiansua tu in a zeksa teng vawtsak tu a, tuaciang ama biakna taw kisai in thiangtho tu hi.

Mi Simna 6:10

Ni liat ni in ama in Topa ompuina Puanbuk sung tumna ah a om thiampipa kungah inn vakhu nii ahi buale ngam vakhu nii paipui tu hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Hebrew te 10:10

Pathian dei bangin Christ in ngamta ahikom, ama ii tawntung atu khatvei lian a pumpi a kipiakna hu in eite theampo mawna pan hong kithiansua hi.

Hebrew te 10:12

Ahihang Christ in mawnate atu in, sangaw biakpiakna khat pia a, tua biakpiakna sia a tawntung atu in, kikhomsuan hi, tua zawkciangin, ama sia Pathian ii ziatsang ah to hi.

Hebrew te 10:14

Tua ahiciang ama in khatvei a kipumpiakna taw mawna pan a kithiansuate, a tawntung atu in a cialcing suaksak hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.