Thiampite 14:4 - Syin Chin Bible

⁴ A natna a dam le, thiampipa in biakna taw kisai a thiang vacim nii sia cedar thing, khausan, hyssop meangte taw a kipaipui khop natu in thupia tu hi.

Thiampite 14:4 Iomraidhean Croise

Psalm Late 51:7

Ka mawna hong laakkeaksak ta'n, tua hile ka thiangtho tu hi, hong sil ta'n, tua hile vuuk sang ka ngo zaw tu hi.

Pusuana 12:22

Hyssop sip khat la vun a, kuang sungah a om nganhing chisan sungah papin, na inn kongkha khuamte nii le a vathaang tungah noai vun. Zingsang khuavak mateng inn pan khat zongh pusuak ngawl tu nu hi.

Thiampite 1:14

Mi khat in vacim khat taw meihal biakpiakna a pia le, ngam vakhu khat ahi buale, inn vakhu khat hi tu hi.

Thiampite 12:8

Numeinu in tuuno khat a nei zo bua ahile inn vakhu nii ahibuale ngam vakhu nii, meihal biakpiak natu in khat, mawphel biakpiak natu in a dang khat paipui tu a, tuaciang thiampipa in tua nu a thiantho ngawlna pan a thiansua tu in a zeksa teng vawtsak tu a, tuaciang ama biakna taw kisai in thiangtho tu hi.

Thiampite 14:5

Tuaciang thiampipa in vacimte khat ciktui thiang a kidim leibeal khat tungah a thalup natu in thupia tu hi.

Thiampite 14:6

Ama in vacim dang khat sia la in a kithat vacim ii chi sungah cedar thing, khausan le hyssop taw, pap khawm tu hi.

Thiampite 5:7

Mi khat in tuu ahibuale keal a pia zo buale, a mawmai natu in ngam vakhu nii ahibuale inn vakhu niite Topa tungah paipui tu a, a khat sia mawphel biakpiakna hi tu a, a dangkhat sia meihal biakpiakna hi tu hi.

Mi Simna 19:18

A masa in biakna taw kisai a thiang mihing khat in, hyssop dawn khat la tu a, tua hyssop dawn tui sungah papin, Puanbuk le a sung a om na theampo le mite the tu hi. A niina in, biakna taw kisai a thiang mihing khat in, mithi ngu, mithi luang ahibuale thaan a tham pawpo tungah tua tui the tu hi.

Mi Simna 19:6

Tuaciang thiampipa in cedar thing tawm, hyssop dawn le khauzeen san khat la in mei sungah lawn tu hi.

Hebrew te 9:19

A masa phitbel in Thukham sungah a thupiak theampo mihingte tungah Moses in sonthiang phot hi. Tua zawkciangin khuitalte le kealte chi la in tui taw a hel zawkciang, hyssop baak le tuu mulsan pawlkhat zanghin, Thukham laibu tung le mihingte tungah the hi.