Thiampite 14:21 - Syin Chin Bible

²¹ Tua pa zawngin a dang bangma a pia zo buale a kithiansua natu bekin, tuutal khat khialphel biakpiak natu, thiampipa atu in Topa tungah a tuam vilvel letsongin pia tu hi. Ama in antang biakpiak natu in olive thau taw a kihel anvui kilogramme khat le olive thau litre khat ii khenthum sua khenkhat paipui tu hi.

Thiampite 14:21 Iomraidhean Croise

Job 34:19

Ama in ngamukte sangah pang ngawl hi, mizawngte puavawk a, a haute maipha pia tuan ngawl hi, banghang ziam cile mi theampo ama ii bitphua sa vive hi.

Paunakte 17:5

Mihing zawngte na nuisan le, amate a vawt Pathian a selno na hi hi. Midang khat ii kaamsiatna tungtaang ah diksa in na om le daan na thuak tu hi.

Paunakte 22:2

A haute le a zawngte in hisia nei khawm hi: Amate nii sia Topa ii vawt khop ahi hi.

Ezekiel 46:7

Khuital khat le tuutal khat a piak simin, antang litre sawm le sali le a lang pia tu a, tuaciang tuuno khat a piak simin kumpipa in a piak nop po taw pia khawm tu hi. Tuabang antang biakpiakna a piak simin olive thau litre thum pia tu hi.

Thiampite 1:14

Mi khat in vacim khat taw meihal biakpiakna a pia le, ngam vakhu khat ahi buale, inn vakhu khat hi tu hi.

Thiampite 12:8

Numeinu in tuuno khat a nei zo bua ahile inn vakhu nii ahibuale ngam vakhu nii, meihal biakpiak natu in khat, mawphel biakpiak natu in a dang khat paipui tu a, tuaciang thiampipa in tua nu a thiantho ngawlna pan a thiansua tu in a zeksa teng vawtsak tu a, tuaciang ama biakna taw kisai in thiangtho tu hi.

Thiampite 14:10

A ni liat ni in kum khat a pha, a mealhem ngawl tuutalno nii le tuu anu khat olive thau taw kihel anvui kilogramme thum le olive thau litre khat ii khenthum sua khenkhat, ama in paipui tu hi.

Thiampite 14:22

Ama in inn vakhu nii ahibuale ngam vakhu nii zongh keng tu a, mawmai biakpiak natu in khat, le meihal biakpiak natu in khat hi tu hi.

Thiampite 27:8

Kamciamna a vawtpa sia zawng leih in a ngeina bangin a pia zo buale ama sia thiampipa kungah kipaipui tu a, thiampipa in a piak zawkza dong khepsak tu hi.

Thiampite 5:11

Mi khat in ngam vakhu nii le inn vakhu nii a pia zo buale mawphel biakpiak natu in anvui kilogramme khat paipui tu hi. Antang taw biakpiakna hi ngawl a, mawphel biakpiakna ahikom, ama in olive thau ahibuale ngimnamtui a tungah buak ngawl tu hi.

Thiampite 5:7

Mi khat in tuu ahibuale keal a pia zo buale, a mawmai natu in ngam vakhu nii ahibuale inn vakhu niite Topa tungah paipui tu a, a khat sia mawphel biakpiakna hi tu a, a dangkhat sia meihal biakpiakna hi tu hi.

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

2 Corinth te 8:12

Piak tu na thalawp uh le, na nei ngawlna tung pan hi ngawlin, na neina taw kizui in na piak tu za letsong sia Pathian in hong saang tu hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.