Thiampite 14:17 - Syin Chin Bible

¹⁷ Ama in a khutpheak sung a om sathau tawm le tuuno chi tawm la in biakna taw kisai thiang hi, ci in a kithangsak tu pa ii a ziatsang bildawn, a ziatsang khutpi, a ziatsang peangpi tungah noai tu hi.

Thiampite 14:17 Iomraidhean Croise

Ezekiel 36:27

Ka thukhamte le ka thupiakte theampo na zui ka mu thei natu in ka thaa kong khum tu hi.

Thiampite 14:14

Thiampipa in tuuno chi tawm la in, biakna taw kisai a kithiansua pa ii a ziatsang bildawn, a ziatsang khutpi dawn le a ziatsang peangpi dawn noisak tu hi.

Thiampite 14:16

a ziatsang khutme khat a sungah papin, Topa ompuina tualai ah tua sathau pawlkhat salivei the tu hi.

Thiampite 14:18

A khutpheak sungah a taanglai sathaute tua pa lu tungah thisak tu hi. Tuabangin thiampipa in a zeksa thiansuana vawt tu hi.

Thiampite 8:23

Moses in tuutal ngo a, a chi tawm la in Aaron ziatsang bil tung, a ziatsang khutpi tung le a ziatsang peangpi tungah noai hi.

Thiampite 8:30

Moses in noi sathau tawm le biaknatau tungah a om sachi tawm la in, Aaron le a tapate le a puante tungah the hi. Hi bangin amate le a puante Topa tungah aap hi.

John 1:16

A kidimin a om, ama ii thuthiamna sung panin, ei theampo thupha hong pia zo a, thupha khat zawkciang khat hong piak ahi hi.

1 Peter 1:2

No sia Pa Pathian tupna taw hong tealsa hi a, Jesus Christ thu a ni tu le a chisan taw a kithiansua tu in, ama Thaa taw a thiangtho minam a suak sate na hi uh hi. Thuthiamna le thinnopna note sungah hong dim tahen.