Thiampite 13:2 - Syin Chin Bible

² Mihing khat pawpo in a vun tungah, a lauhuai vun natna dong a suak thei tu meima khat ahibuale uilut khat ahibuale a tum thei meima khat a nei le, ama sia Aaron suan thiampite kungah kipaipui tu hi.

Thiampite 13:2 Iomraidhean Croise

2 Samuel 3:29

Tua atu in daan piakna Joab le a innkuan bup in thuak tahen! Khangsimin a bangkua sungah numei le pa omkhopna pan a piang natna a vei khat, ahibuale a lauhuai vun natna khat, ahibuale numei nasep teng a seam thei bek khat, tua ahibuale ngal sungah a thi khat, ahibuale an neak tu nei ngawl khat veu om vaciat tahen!” ci hi.

2 Kumpite 5:1

Syria ngalkaphonpi ukpa Naaman sia Syria kumpipa in nasia takin zakta in upat vawt hi, banghang ziam cile Naaman tungtawnin Topa in Syria ngalkapte zawna pia hi. Ama sia ngalkap mang lian khat hi, ahihang ama in a kiitakhuai mama vun natna khat thuak hi.

2 Kumpite 5:27

Tu in Naaman ii natna teng nang tungah hong theng tu a, nang le na suan na paal theampo in tua natna a tawntungin vei tu nu hi!” ci hi. Gehazi a pusua ciang ama in tua natna nga in — a vun sia vuuk bangin kaang hi.

Isaiah 1:6

Na lutang pan na peang dong, na pumpi tung a dam mun om ngawl hi. Liamna chinumte, meimate le liamma balhte taw kidim nu hi. Na liammate kisil ngawlin, kituam ngawl hi. Zatui zaha kinoai ngawl hi.

Isaiah 3:17

Ahihang amate daan ka pia tu hi — a sam uh ka meetsak tu a, lutol in ka nusia tu hi,” ci hi.

Thiampite 13:1

Topa in Moses le Aaron tungah hi thukhamte pia hi.

Thiampite 13:3

Thiampipa in a meima etsak tu a, a meima sung multe kaangin a meima kiimkot sangin a sa a dum zaw le tua meima sia a lauhuai vun natna hi a, thiampipa in tua pa a nin in thangsak tu hi.

Thiampite 13:8

Thiampipa in en kik tu a, a meima a beak le ama sia a thiang ngawlin thangsak tu hi. Tua in a lauhuai vun natna ahi hi.

Thiampite 14:3

thiampipa in ngiaphual pua sangah ama paipui in en tu hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Mi Simna 12:10

Puanbuk pan meei in nusia a, Miriam vun tungah thakhat thu in a kiitakhuai natna theng in, vuuk bangin hong kaang hi. Miriam sia hi natna taw a kituamcip Aaron in a mu ciang,

Mi Simna 12:12

A thisa in a suak, a taksa a lang a kine khawng khat bangin ama suaksak heak in” ci hi.

Matthew 8:4

Tua zawkciang Jesus in, “Ngai in, kuama munah son heak in a, thiampipa kungah pai vingveng in, na pumpi vealsak ta'n; na damna thu ngual theampo hong heak natu in, Moses thupiak bangin sangaw biakpiakna vawt ta'n,” ci hi.

Mark 1:44

“En in, hi thu kuama munah son heak in. Pai vingveng ta'n a, thiampipa in vealsak ta'n; na thianthona mihing theampo tungah a kilangh natu in, Moses sawl bangin, sangaw biakpiakna vawt ta'n,” ci hi.

Luke 17:14

Jesus in amate a mu ciang, “Pai tavun a, na thiampite in vealsak tavun,” ci hi. Amate a pai kawkawm in, dam thiang uh hi.

Luke 5:14

Jesus in, “Kuama munah son heak in, ahizong thiampipa kungah pai paih ta'n a, ama in vealsak ta'n; tua zawkciang, a kuama theampo in dam zo hi, ci in hong heak natu in, Moses ii sawl bangin, sangaw biakpiaknate vawt ta'n,” ci hi.

Thuhil kikna 24:8

“A lauhuai mama vun natna na vei uh ciang, Levi thiampite ii hong son bang linlian in vawt vun; amate tungah ka thupiakte zui vun.

Thuhil kikna 28:27

Topa in Egypt te tungah a tunsak bangma in note uilut hong veisak tu hi. Ama in na pumpite matum veisak tu hi. Cithak natna vei in thak na sa tu uh a, ahizong dam thei ngawl tu hi.