Thiampite 12:6 - Syin Chin Bible

⁶ Tapa ahizong tanu ahizong nei in a thiansua na hun a cin zawkciang, ama in Topa ompuina Puanbuk kongbiang ah a om thiampipa tungah meihal biakpiak natu in kum khat a pha tuuno khat le mawphel biakpiak natu in inn vakhu ahibuale ngam vakhu khat paipui tu hi.

Thiampite 12:6 Iomraidhean Croise

Pianciilna 15:9

Topa in “Kum thum a pha khuipui khat, kum thum a pha keal khat, kum thum a pha tuutal khat, tuaciang inn vakhu khat le ngam vakhu khat hong paipui ta'n,” ci in zo hi.

Thiampite 12:2

zui tu a nuai a ngeinate pia hi. Numei khat in tha sim nin a nei hunsung bangma in tapa khat a nei zawk ni sali sung sia biakna taw kisai in thiangtho ngawl hi.

Thiampite 12:5

Numei khat in tha sim nin a nei hunsung bangma in tanu khat a nei zawk ni sawm le ni li sung biakna taw kisai in thiangtho ngawl hi. Tuaciang a chi luanna pan biakna taw kisai in a thian natu in ni sawmluk le ni luk ngei lai tu hi.

Thiampite 12:7

Thiampipa in Topa tungah tua nu ii a zeksa biakpiakna piaksak tu a, ama thiantho ngawlna teng thiansuana in a zeksa teng vawtsak a, tuaciang ama biakna taw kisai in thiangtho tu hi. Hi thu in numei khat ii a naunei zawkciang a zui hamtang tu ahi hi.

Thiampite 14:22

Ama in inn vakhu nii ahibuale ngam vakhu nii zongh keng tu a, mawmai biakpiak natu in khat, le meihal biakpiak natu in khat hi tu hi.

Thiampite 15:14

A ni liat ni in ama in inn vakhu nii ahibuale ngam vakhu nii Topa ompuina Puanbuk kongbiang ah paipui in thiampipa pia tu hi.

Thiampite 15:29

A ni liat ni in ama in inn vakhu nii ahibuale ngam vakhu nii Topa ompuina Puanbuk kongbiang ah a om thiampipa kungah paipui tu hi.

Mi Simna 6:10

Ni liat ni in ama in Topa ompuina Puanbuk sung tumna ah a om thiampipa kungah inn vakhu nii ahi buale ngam vakhu nii paipui tu hi.

Luke 2:22

Moses Thukham ii thupiak bangin Joseph le Mary te ii a kithiansua natu hun hong theng hi. Tua ahikom amate in patangno sia Topa tungah aap tu in Jerusalem ah paipui hi,

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.