Tuaciang numei in a chi luanna pan biakna taw kisai in a thiantho dong ni sawmthum le ni thum sung ngak tu hi. Ama in a kithiansuana hun a cin mateng a thiangtho na khat zongh tham thei ngawl tu a, a thiangtho Puanbuk sungah tum ngawl het tu hi.
Judea panin, Antioch ah mihing pawlkhat hong pai a, thu umte tungah, hi bangin hilcian tu in hong kipan in, “Moses thukham om bangin, na vunteap uh na at bua uh le, ngupna na nga thei buatu uh hi,” ci uh hi.
Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.
Ka son nop sia Pathian in Abraham taw thuciamna vawt a, ka kholet tu hi, ci in kamciam pia hi. Kum zali le kum sawmthum zawkciang a kipia Thukham in tua thuciamna paltan in Pathian kamciam sia phiat thei ngawl hi.
Na thin theampo taw ama na it natu uh le tua ngam ah na teen suak thei natu uh in Topa na Pathian in note le na suan na paalte tungah thu nit nopna thin hong pia tu hi.
Ka sua zawk nipi khat a cin ciangin ka vunteap hong ki atsak hi. Ka pianna sia Israel mi in ka piang a, Benjamin suan hi in, Hebrew chi tatak ka hi hi. Jew te Thukham zuina taw kizomin keima in Pharisee khat ka hi hi,
Jesus taw kikopna sungah note vunteap at sa na hi uh a, mihing vunteap atzia taw hi ngawlin, hi mawna pumpi thahatna pan hong suatak Christ vunteap atzia taw hong ki at zo hi.
