Thiampite 10:6 - Syin Chin Bible

⁶ Tua zawkciang Moses in Aaron le a tapate Eleazar le Ithamar tungah, “Na khuangaina na lakna in sam pot ngawl ahibuale puan balkeak in om heak vun. Tuabang na om uh le, na thi tu uh a taangpi bup tungah Topa thin uuk tu hi. Ahizong Topa ii puak mei taw a kaanghlumte hu in na Israel mipuite theampo in a khuangaina lak thei tu uh hi.

Thiampite 10:6 Iomraidhean Croise

2 Samuel 24:1

Topa sia Israel te ii tungah khatvei ma thin uuk kik a, amate tungah David in ngim piasak hi. Topa in ama mun ah, “Va pai ta'n a, Israel te le Judah te mi phaza sim ta'n,” ci hi.

Ezra 7:5

Bukki sia Abishua ii tapa, Abishua sia Phinehas ii tapa, Phinehas sia Eleazar ii tapa, Eleazar sia Aaron ii tapa ahi hi.

Pusuana 33:5

Amate tungah Moses ii a son natu in Topa in, “Note sia mihing thinpuite hi nu hi. Note taw tawmveino sung ih kithawl bek zong kong mon tha tu hi. Tu in na suangmanpha kizepnate suut vun, tuaciang note tungah ka sep tu sia ka khensat tu hi,” ci in a thupiak hang hi.

Pusuana 6:23

Aaron in Amminadab ii tanu, Nahshon ii suapuinu Elisheba teenpui a; Nadab, Abihu, Eleazar le Ithamar nei hi.

Jeremiah 7:29

“Jerusalem mite awng, kap vun; Na sam uh at tan vun a, vawk vun. Mual dawnah mithi vuina lasa vun, banghang ziam cile keima Topa ka thin uuk a, ka mite ka nial zo hi.

Thiampite 13:45

A lauhuai vun natna a veipa in puan ek silh tu a, a sam pot ngawlin, a mai nuaisang teng seal a, “A thiang ngawl, a thiang ngawl ka hi hi!” ci in au tu hi.

Micah 1:16

Judah mite awng, na it patangnote atu in khuangai in na sam uh meet vun. Vaciik bangin lutolin om vun, banghang ziam cile na patangnote sia ngamdang ah salin no kung pan kila tu hi.

Mi Simna 1:53

Khat po in puanbuk nai ah pai in a neak le ka thin uuk tu a, Israel taangpite daan ka pia tu hi, tua ahikom Levi te in Puanbuk kiim ah ngiaphual saatin cing tu uh hi,” ci hi.

Mi Simna 14:6

Tuaciang Nun tapa Joshua le Jephunneh tapa Caleb, thudawpkute sung pan nii in khuangaina taw a puante balkeak in,

Mi Simna 16:22

Ahizong Moses le Aaron lei ah kunsuk a, “Aw, Pathian awng, nuntakna theampo ii naak na hi hi. Mihing khat a maw a khial ciang taangpi bup tungah thin uuk ni ziam?” ci uh hi.

Mi Simna 18:5

Israel mite tungah ka thin uukna a puathap kik ngawl natu in nangma le na tapate bek in biaknatau le Mun Thiangtho vaipuak teng khuangkhim nanak tu nu hi.

Mi Simna 20:25

Hor Mual ah, Aaron le a tapa Eleazar paipui to in a,

Mi Simna 5:18

Tuaciang thiampipa in numei ii sam phelsak tu a, tua numei khut sungah biakpiakna anvui koi tu hi. Thiampipa in a khut sungah haamsiatna tuikhaa a om beal sia toai tu hi.

Thuhil kikna 33:9

Amate in nangma tungah a nute a pate, a suapui pate le a tate tung sangin a lian zaw thumaan na lak hi. Amate in na thupiakte ni in, na thuciam tungah thumaan uh hi.

Joshua 22:18

Tu in ama nung na zui tu uh nial lai nu ziam? Tu ni in Topa na langpan uh le ama in zing ciang Israel mi khat sim tungah hong thin uuk tu hi.

Joshua 22:20

Zerah tapa Achan phawk vun, ama in a kiningkhiin nate taw kisai thupiakna sia ni nuam ngawl hi; Israel taangpi bup sia tua huvau in daan hong kipia hi. Achan mawna hu in a thi sia ama bek hi ngawl hi.”

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

Joshua 7:11

Israel te in mawna vawt zo hi! Amate ii let tu in ka thupiak, kei taw thukimna sia len ngawlin paltan zo hi. Suksiat tu in a kiningkhiin na pawlkhat amate in la zo hi. Amate in ngu a, tuate huvau iim in amate ii vanh taw koi khawm hi.