Thiampite 10:3 - Syin Chin Bible

³ Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Thiampite 10:3 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Job 2:10

Job in, “A lui thawthongin pau ni hi! Pathian in napha khat po hong puak ciang lawp takin ih saang hi. Ngimna hong puak ciang banghangin phun thei tu hi ziam?” ci in zo hi. Hite theampo a thuak kawm sung panin, Job in Pathian tungah kam ngaldo bangma pau ngawl hi.

Psalm Late 119:120

Nangma hu in ka lau hi; na thukhennate hu in launa taw ka kidim hi.

Psalm Late 148:14

Ama ii a it mama Israel mite ahi ama mite theampo in ama a pok natu in ama in ama ii minam thahatsak hi. Topa pok vun!

Psalm Late 39:10

Daan hong pia nawn heak in! Nong vuakna taw ka thi dek zo hi.

Psalm Late 39:9

Thim takin ka om tu a, kam khat zongh ka huthe buatu hi, banghang ziam cile hi bang a, hong thuaksak sia nangma na hi hi.

Psalm Late 46:10

“Kisim kidona tawp vun a, Pathian ka hina hong tel tavun, minamte ii sungah a lianbel le leitung ii tungsia ah a lianbel ka hi hi” ci hi.

Psalm Late 89:7

Mi thiangthote council kikhopna ah nang hong kikiita hi; amate theampo in nang hong thasia in ding uh hi.

Psalm Late 93:5

Topa awng, na thukhamte a tawntungin kho a, a tawntung a tawntungin na Biakinnpi sia thiangtho takpi hi.

Pusuana 14:17

Egypt te thin ka sahsak mama tu a, Israel te del veve tu uh hi, tuaciang kumpipa, a ngalkaphonpi, a siphu ngalleangte le a hawlte ka zawna taw patoaina ka nga tu hi.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 19:22

Kei kung hong pai tu thiampite zongh a kithiansua phot kul tu hi, a kithiansua buale daan ka pia tu hi,” ci hi.

Pusuana 19:24

Topa in, “Tuaksuk ta'n a, Aaron hong paipui kik ta'n. Ahizong thiampite le mipite in kei kungah paito tu in tua ngamngi kaan ngawl het tu hi, tuabang a kaantan le amate daan ka pia tu hi,” ci in zo hi.

Pusuana 30:30

Tuaciang Aaron le a tapate sathau noai in a, keima na a seam thiampi tu in thupha taw kipsak in.

Isaiah 39:8

Hezekiah kumpipa in ama ii nuntak sung tengin thinnopna le ngammuanna om tu hi, a cinopna ahi hunlam tel ahikom, “Topa kung pan hong pai nong thupuak sia pha hi,” ci in zo kik hi.

Isaiah 49:3

Ama in ka tungah, “Israel awng, ka naseampa na hi hi; nangma hangin, mihingte in kei hong pok tu hi,” hong ci hi.

Isaiah 52:11

Biakinn vanh a pua note theampo awng, Babylon nusia vun. A kikhaam vanhte thutha heak vun; a thiangtho in om vun a, tuaciang nusia vun.

Ezekiel 20:41

Na kithethaang na ngamte panin kong kaikhop zawkciang, na sangaw meihal biakpiaknate kong saang tu a, tuaciang minam tuatuamte in a thiangtho ka hi na hong mu tu uh hi.

Ezekiel 28:22

Amate huvau, Keima, Vaanglianpipa Topa ii ci teng va son tan: Keima in na ngal ka hi hi, Sidon awng; nang tungah kong vawtte hu in mihingte in kei hong pok tu uh hi. Na sungah a teangte daan pia a, kei bangza in thiangtho ka hi sia ka lak ciang, amate in Keima, Topa ka hi hunlam hong he tu uh hi.

Ezekiel 38:16

Vuipi suangval sia ngamsung kaantan in a vak bangin Israel ka mite na sim tu hi. A hun hong thet ciang, nang tungtawnin ka sep sia taw ka thianthona le keima akua ka hi sia minamte in hong heak natu ka lakna in ka ngam sim tu in nangma kong paisak tu hi.

Ezekiel 40:46

saksang a nga inndoi sia biaknatau ah a seam thiampite atu hi hong ci hi. Thiampi theampo sia Zadok ii suan le paalte hi a; amate sia Topa omna munah ama naseam tu in a kipaisak Levi minamte bek ahi uh hi.

Ezekiel 42:13

Tua pa in keima tungah hong ci hi, “Hi innte ngeal thiangtho hi. A sungsang Topa ompuina ah a tum thiampite in a thiangthobel biakpiakna ante ne uh hi. A inndoite thiangtho ahi manin thiampite in a thiangthobel biakpiaknate: antang biakpiaknate, mawna hang sangaw biakpiaknate, ahibuale mawphel biakpiaknate tua munah koi tu uh hi.

Thiampite 21:15

Tuabang ahibuale a thiangtho tu a tate sia biakna taw kisai in a thiang ngawl suak tu hi. Keima in Topa hi a, ama sia Thiampi Lianbel in ka koituam zo hi,” ci hi.

Thiampite 21:17

Aaron tungah a son tu in a thupiakna pan, “Na suan na paal sung pan pumpi mealhemna khat pawpo a neite in ka tungah an taw biakpiakna hong pia heak hen. Hi thu in maisang hun theampo ah zui tu ahi hi.

Thiampite 21:21

Thiampi Aaron suan pumpi mealhemte in kei tungah an taw biakpiakna hong pia thei ngawl tu hi.

Thiampite 21:6

Ama thiangtho tu a, ka min daisak ngawl het tu hi. Ama in an taw biakpiaknate hong pia ahiciang ama a thiangtho kul hi.

Thiampite 21:8

Mite in thiampipa a thiangtho in ngaisun tu hi, banghang ziam cile an taw biakpiaknate kei tungah hong pia hi. Keima in Topa ka hi hi; keima ka thiangtho a, ka mite ka thiangthosak hi.

Thiampite 22:9

“Thiampi theampo in kong piaksa ngeinate zui tu hi. Tuabang a zui bua uh le amate a maw hi tu a thi tu uh hi, banghang ziam cile amate in a thiangtho ngeinate a zui ngawl hang ahi hi. Keima in Topa ka hi a, amate ka thiangthosak hi.

Thiampite 8:35

Topa thupiak bangin seamin, sun taw zan taw ni sali sung Puanbuk kongbiang ah om hamtang tu nu hi. Na om bua uh le thi tu nu hi. Hi thu in kei tungah Topa hong thupiak ahi hi,” ci hi.

Mi Simna 16:5

Tuaciang ama in Korah le a nungzuite tungah, “Zing ciang zingsang in Topa in ama mihing sia akua ziam ei hong lak tu a; ama in a teal sa, a mi sia biaknatau ah ama kung neaksak tu hi.

Mi Simna 20:12

Ahizong Topa in Moses le Aaron teih zazaan hi. Ama in, “A thiangtho ka vaangletna Israel mite mai ah na telsak natu in upna a kicing nei ngawl na hi uh komin amate ka khapsa ngam ah note in amate lampui in na tumpui buatu uh hi,” ci hi.

Matthew 10:37

“Kei sangin a nu a pa a itzaw sia kei nungzui tu in kiphu ngawl hi; kei sangin a tapa ahibuale a tanu a it zaw te kei nungzui tu in kiphu ngawl hi;

John 12:28

Pa awng, nangma min thangsak in!” ci hi. Tuaciang vantung pan aw nging khat in, “Minthangsak zo khi hi, tuaciang in minthangsak lai tu khi hi,” ci hi.

John 14:13

Tuaciangin keima min suang a nong nget pawpo, Tapa tungtawnin Pa minthan natu in kong vawtsak tu hi.

Thuhil kikna 32:51

banghang ziam cile note ngeal in Israel mite mai ah keima hong melsia in nong thumaan bua uh hi. Zin ngampa sung Kadesh khua nai tui omna Meribah ah na om uh lai in, mite mai ah kei nong zatak vawt bua uh hi.

1 Peter 4:17

Thukhen kipat tu hun hong tung zo a, Pathian aituam mihingte sia thu kikhen masa tu hi. Eite taw hong pan le Pathian kung pan hong pai Lungdamna Thupha a um ngawlte bang suak thong tu ziam?

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.

1 Samuel 3:18

Tua ahikom Samuel in ama tungah na theampo son a, bangma kheet a nei bua hi. Eli in, “Ama sia Topa hi; phabel a sak bangin ama in seam tu hi,” ci hi.

1 Samuel 6:20

Tua ahikom Beth Shemesh mite in, “Hi a thiangtho Pathian, Topa mai ah akua peuma dingtang zo tu hi ziam? Ei taw a kikhuala thei natu in ama koisungah puak tu hi ziam?” ci uh hi.