Thiampite 10:15 - Syin Chin Bible

¹⁵ Topa tungah an biakpiakna in a thau a kipiak hun ciang amate in a pheisa le a awmsa paipui tu uh hi. Topa thupiak bangin hi sanamte nangma le na tate neisa hi tawntung tu hi,” ci hi.

Thiampite 10:15 Iomraidhean Croise

Pianciilna 13:15

Na muna ngam theampo nang le na suan na paalte tungah kong pia tu a, a tawntungin noma aa hi tu hi.

Pianciilna 17:13

A mi simin vunteap ki at nanak tu hi, hisia in note taw ka thuciamna kip tawntung hi ci in a lak tu na pumpi tungah limlakna khat hi tu hi.

Pianciilna 17:17

Abraham sia a maitang lei a phak dong kunsuk a, ahizong hi bang thu teng a ngaisut ciang a nuiza hi; a thinsung ah, “Kum zakhat a pha pasal khat in ta khat nei thei tu ziam? Kum sawmkua a pha Sarah in ta khat nei thei tu ziam?” ci hi.

Pianciilna 17:8

Tu in ngamdangmi khat bangin na omna hi leitang sia nangma le na suan na paalte tungah kong pia tu hi. Canaan ngam bup sia na suan na paalte in a tawntungin lua tu a, keima in amate ii Pathian ka hi tu hi,” ci hi.

Pusuana 29:27

“Thiampi khat thupha pia in a kikipsak ciang, a kizangh tuu awmsa le a pheisate sia keima tungah letsong tuam khat in nong aap tu a, thiampite atu in kikoituam tu hi.

Pusuana 29:28

Hi thu a kikheal ngawl ka thukhenna hi a, ka mite in kipawlkhop biakpiakna a nei ciang, nganno awmsa le a pheisate thiampite neisa hi tu hi. Tua sa sia amate ii keima Topa tungah hong piak letsong ahi hi.

Thiampite 2:3

A taanglai antang teng thiampite neisa hi a, Topa a kipia an sung pan a laak ahikom, thiangtho mama hi.

Thiampite 3:17

Israel te in a thau ahizong, a chi ahizong, ne thei ngawl tu hi; hi thu in Israel te theampo ii a teenna mun pawpo ah a tawntung a zui tu ngeina khat ahi hi.

Thiampite 7:34

A awmsa sia a tuam vilvel letsong hi a, a ziatsang phei sia Israel mite tung pan Topa ii a laak, thiampite tungah a piak a tuam vilvel letsong ahi hi. Hisia maisang hun theampo ah Israel mite ii thiampite tungah a piak tu ahi hi.

Mi Simna 5:9

Israel te ii Topa tungah a tuam vilvel in a piak letsongte zongh tua letsong a saang thiampipa ii neisa ahi hi.