Thiampite 10:10 - Syin Chin Bible

¹⁰ Note in Topa neisa le zak ngengei vanhte sia, biakna taw kisai in a thiangtho le a thiangtho ngawl khentel tu nu hi.

Thiampite 10:10 Iomraidhean Croise

Jeremiah 15:19

Hi thu taw kisai in Topa in, “Nong heak kik ahile kong la kik tu a, ka naseampa na suak kik tu hi. Thu mannung ngawl po na son sangin thu manpha thu taknei na son le, ka kamsaang na suak kik tu hi. Mipite sia nang kung hong zuan kik tu a, amate kungah nang na pai kul ngawlzaw tu hi.

Ezekiel 22:26

Thiampite in ka thukham paltan a, a thiangtho na te ciliap ngawl hi. Amate in a thiangtho nate le a thiangtho ngawl nate a khen bua uh hi. Amate in na a thiangthote le a nin kilamdanna hil ngawlin, Sabbath a melsia uh hi. Tua taw kizui in Israel mite in kei hong zakta bua uh hi.

Ezekiel 44:23

“Thiampite in ka mite tungah biakna taw kisai a thiangtho le a thiangtho ngawlte kilamdanna le a zeksa ngeina thiangtho le a thiangtho ngawlte hil tu hi.

Thiampite 11:47

Note in biakna taw kisai a thiang le a thiang ngawl, neak thei le neak thei ngawl nganhingte na khentel thei tu na kidop uh kul hi.

Thiampite 13:43

Thiampipa in en tu a, a san le a kaang kithua meima a om le,

Thiampite 14:57

Hi thukhamte in na khat sia thiang ziam thiang ngawl ziam khensat hi.

Titus 1:15

Thinsung thiangtho mihingte atu in, na theampo thiangtho hi; ahihang a ninnoite le a um ngawlte atu in, bangma a thiangtho om ngawl hi, banghang ziam cile amate thinsung le a khua ngaisutnate ninnoi hi.