Thiampite 1:9 - Syin Chin Bible

⁹ Ama in a sungkua le a nungpeangte nii, sil tu a vaipuak nei thiampipa in sa teng biaknatau ah hal tu hi. Tua an taw biakpiakna ii ngimnam sia in Topa lungkimsak hi.

Thiampite 1:9 Iomraidhean Croise

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

1 Khangtaanghthu 6:34

Elkanah, Jeroham, Eliel, Toah,

2 Khangtaanghthu 4:6

Amate in kuangtung sawm zongh vawtin nga sia Biakinnpi thangsang ah koi in, a saksang ah nga koi hi. Tuate sia sangaw biakpiakna in a kihal sabakte silna in zak tu ahi hi. Kuangpui sungah tui sia thiampite kisil natu hi.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Psalm Late 66:15

Biaknatau tungah hal tu in tuute ka pia tu hi; khuitalte le kealte sangaw biakpiakna in ka nei tu a, a meikhu in van ah kaato tu hi.

Pusuana 12:9

A sate a sial ahizong tuihuan ahizong na ne buatu uh a, a lu, a peangte le a sungkua dong takin a vekpi em in ne tu nu hi.

Pusuana 29:18

Tuutal sa theampo biaknatau tungah an biakpiakna in hal in. Tua biakpiakna ii a ngimnam in keima hong lungkimsak hi.

Pusuana 29:25

Tua zawkciang amate tung pan anluumte la in a, biaknatau tung, meihal biakpiakna tungah an taw keima nong biakpiakna in hal in. Hi biakpiakna ngimnam in keima hong lungkimsak hi.

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Ezekiel 20:28

Ka piak tu a kamciam ka piaksa ngam ah ka paipui hi. Mualsaangte le thingkung hing te a mu uh ciang amate in tuate theampo tungah sangaw biakpiakna pia uh hi. A sangaw meihal biakpiakna le sapittui biakpiakna te in kei hong thin uuksak hi.

Ezekiel 20:41

Na kithethaang na ngamte panin kong kaikhop zawkciang, na sangaw meihal biakpiaknate kong saang tu a, tuaciang minam tuatuamte in a thiangtho ka hi na hong mu tu uh hi.

Ezekiel 40:38

Suum puanung ah saksang sungnung kongpi vang taw kipee in a kipeam inndoi khat om hi. Suum sung a maingat sungtanna inndoi dong kihong a, tualai ah sangaw biakpiakna in a kihal tu nganhing luangte amate in tui taw sil uh hi.

Thiampite 1:13

Ama in a sungkua le a nungpeangte nii sil tu a, thiampipa in Topa tungah biakpiaknate pia in biaknatau tungah hal tu hi. Tua an taw biakpiakna ngimnam in Topa lungkimsak hi.

Thiampite 1:17

Ama in a thate nii pan len tu a, a thate tatsak ngawlin a pum balkeak tu a, biaknatau tungah a pum bup hal tu hi. Tua an taw biakpiakna ii ngimnam in Topa lungkimsak hi.

Thiampite 2:16

Topa tungah an taw biakpiakna a hina, limlakna in antawm, sathau le ngimnamtui theampo zongh thiampipa in hal tu hi.

Thiampite 2:2

Aaron suan thiampite kungah paipui tu hi. Thiampipa in anvui khutdim khat, sathau le ngimnamtui theampo la in, Topa tungah kipia siat zo hi ci in a kiheak thei natu in biaknatau ah hal tu hi. Tua an biakpiakna ii ngimnam in Topa lungkimsak hi.

Thiampite 2:9

A vekpi in Topa tungah a kipia a hina thu limlakna in thiampipa in tawm la a, biaknatau tungah hal tu hi. Tua an biakpiakna ii ngimnam in Topa lungkimsak hi.

Thiampite 3:11

Topa tungah an taw biakpiakna khat ahi bangma vaipuak nei thiampipa in biaknatau tungah hal siat tu hi.

Thiampite 3:5

Thiampite in hi teng theampo meihal biakpiaknate taw biaknatau tungah hal khawm tu hi. Hi an taw biakpiakna ii ngimnam in Topa lungkimsak hi.

Thiampite 4:31

Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 6:14

A nuai a te sia antang biakpiakna ah zui tu ngeinate ahi hi. Aaron suan thiampipa in biaknatau mai Topa tungah antang biakpiakna pia tu hi.

Thiampite 8:28

Tuaciang Moses in amate tung pan tua an teng la in kipsakna biakpiakna in nei a, meihal biakpiakna ii tungbel biaknatau tungah hal hi. Hisia in an taw biakpiakna hi a, a ngimnam in Topa lungkimsak hi.

Thiampite 9:14

Tua zawkciang ama in a sungkua teng le a nung peangte nii silin biaknatau tung, a om lai meihal biakpiaknate ii tungbel ah hal hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Mi Simna 15:3

Meihal biakpiakna, kiciamna taangtutna biakpiakna, thinzaw biakpiakna ahibuale a hun zui a na vawt biakna poaite biakpiakna ah ngaw tu in khuital khat, tuutal khat, tuu khat ahibuale keal khat Topa tungah kipia thei tu hi; hi an taw biakpiaknate ii ngimnamtui sia in Topa lungkimsak hi.

Mi Simna 28:11

Tha sim a ni khat ni in, Topa tungah meihal biakpiakna a nuai a bangin pia vun: khuitalno nii, tuutal khat, kum khat a pha tuutalno sali, a vekpi in a mealhem ngawl hi tu hi.

Mi Simna 28:7

A masa tuuno sia taw sapittui biakpiakna na piak uh bangin biaknatau ah sapittui litre khat buak vun.

Mi Simna 28:8

Sapittui taw zingsang biakpiakna a kipiak khop bangma in, nitakin a niina tuuno sia pia vun. Tuasia zongh a ngimnam taw Topa a lungkimsak an taw biakpiakna ahi hi.

2 Corinth te 2:15

Banghang ziam cile eite sia Christ ii Pathian tungah a piak paaknamtui taw ih kibang a, ngupna a ngate le a mangthangte sungah ih kizel hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

Thuhil kikna 12:27

Topa biaknatau tungah a kihaltum tu in sangaw biakpiaknate tua munah pia vun. A sa na neak tu uh sangaw biakpiakna zongh biaknatau tungah pia vun a, biaknatau tungah a chi sung vun.

Philippi te 4:18

Tua ahikom hi sungah nong piaksa uh theampo kong saanna lai om a — kicing vaal hi! Epaphroditus in na letsong uh theampo hong puak ahikom, tu in ka kitaangsap theampo nei zo khi hi. Tuate in Pathian mai ah ngimnamtui piak taw kibangin a saannophuai le dik a sak biakpiakna hi.